Read Te Tusi Tapu I Te Gana Tuvalu Lomiga Lua SALAMO 64 Bible Online

SALAMO 64 - Te Tusi Tapu I Te Gana Tuvalu Lomiga Lua bible

SALAMO 64

¹[80] Te Atua, au ko i loto i te puapuaga, saga mai la ki taku talo! Au ko mataku i oku fili; fakasao mai toku ola!

²Puipui mai au mai pulepulega a tino amio ma'sei, Mai fakapotopotoga foki o tino fai mea 'se.

³Ko fakamata olotou laulaufaiva e pela mo ne pelu, A olotou muna ma'sei foki e fakasaua mai ki a au e pela Me ne matasana e sana mai.

⁴E vave latou o takutaku atu olotou muna 'loi; E fakamasei foki ne latou a tino 'lei ki olotou togafiti loi.

⁵Ko fakaloto ma'losi eiloa latou ne olotou pulepulega ma'sei! Ko fai'pati latou ki se koga ka 'tao ei olotou malei, Kae fai ake latou penei: “E seai eiloa se tino e mafai o ana laveagina.”

⁶Ko fai olotou fuafuaga ma'sei, Kae fai ake olotou pati; “Ko nofogamalie te fuafuaga masei tenei a tatou.” A te loto mo te mafaufau o te tino ne mea e iloa gata.

⁷Ka ko te Atua e sana atu ne ia ana matasana ki a latou, Se mea vave eiloa o pa'kia latou.

⁸E fakama'sei ne ia latou i olotou pati; A latou katoa kola e matea ne latou te mea nei, Ka lulu olotou ulu.

⁹A tino katoa ka ma'taku; ka fakaasi atu ne latou te mea ko fai ne te Atua, Kae mafau'fau foki latou ki ana galuega.

¹⁰A tino amiotonu katoa e fia'fia ki te Aliki i ana mea ne fai, Me ka ola latou i a ia; a tino 'lei katoa ka 'viki atu ki a ia.