Read Te Tusi Tapu I Te Gana Tuvalu Lomiga Lua SALAMO 65 Bible Online

SALAMO 65 - Te Tusi Tapu I Te Gana Tuvalu Lomiga Lua bible

SALAMO 65

¹[81] Te Atua, e 'tau o tavaea koe ne matou i Siona, Kae tausi eiloa matou ki mea ne tauto atu ei matou ki a koe

²Me tali mai eiloa koe ki talosaga. E olo atu ki a koe a tino katoa

³Mo te fakamagaloga o olotou agasala. Ko manumalo te masei i a matou, kae ne fakamagalo eiloa ne koe.

⁴Amutia a latou ne filifili ne koe, Ko latou kola ne aumai ne koe ke 'nofo i tou faletapu. E ma'lie matou i mea 'lei i tou fale, ko fakamanuiaga i tou Faletapu.

⁵Te Atua te motou Fakaola, a koe e tali mai ki a matou o tuku mai te manumalo, Ne fai ne koe mea fakaofoofogia ke fakasao ei matou. E fakatuaga ki a koe a tino katoa i te lalolagi, Mo latou kola e 'nofo i vasa 'mao.

⁶Ko tou malosi e fakatumau ei mauga i olotou tulaga, E fakaasi ei tou 'mana malosi.

⁷E fakamau ne koe te sou o te tai mo te 'gana mai o galu; E fakafilemu foki ne koe a te ua'te o tino.

⁸Ko ma'taku te lalolagi katoa i mea fakaofoofogia ko oti ne fai ne koe. Ko mea ne fai ne koe e aumai ei te fiafia, Mai te sua kapakapalagi ki te sua kapakapalagi.

⁹Ko fakaasi tou alofa ki te laukele i te faka'to ifo ne koe te vaiua; E fakamaumea kae fakaola ne koe. E faka'fonu ne koe a vaitafe ki vai; E aumai foki ne koe a lakau kaina ki te lalolagi. Ne fai ne koe penei:

¹⁰E faka'to ifo ne koe a vaiua ki luga i fatoaga, Ko ufi ei ki vai; E fakamalulu ne koe te laukele ki vaiua ke ola ake ei a tamā lakau koi tupu ake.

¹¹Ko oko eiloa i te lasi o te maumea ne aumai ne tou aga'lei! So se koga e fano koe ki ei e lasi faeloa te taukai i ei!

¹²A koga moukua ko fonu i lafu manu e kaikai i ei; A kautafa o mauga ko 'fonu i te fiafia.

¹³A malae moukua ko fonu katoa i mamoe; A vanu ko 'fonu foki i saito, A mea katoa ko kalaga kae usu pese i te fiafia.