Read Te Tusi Tapu I Te Gana Tuvalu Lomiga Lua SALAMO 72 Bible Online

SALAMO 72 - Te Tusi Tapu I Te Gana Tuvalu Lomiga Lua bible

SALAMO 72

¹[90] Te Atua, akoako te Tupu ke fakamasino ne ia tino ki tau amiotonu; Kau fakatasi koe mo ia i tau fakamasinoga tonu,

²Ko te mea ke pule ne ia tou fenua mo te amiotonu, Ka puipui foki ne ia tino ma'tiva i te amiotonu.

³Ke fua mai te manuia i te laukele, ka ko te amiotonu ke fai ne tino.

⁴Ke fakamasino ne te tupu a tino ma'tiva ki te 'lei; Ke fesoasoani foki a ia ki tino ma'tiva, Kae fakatakavale ne ia a tino kola e fakasaua ki a latou.

⁵Ke tumau eiloa te tapuaki atu o tou fenua ki a koe, E pela mo te tumau o te maina mai o te la, E pela foki mo te tumau o te sulu mai o te masina, i tupulaga katoa.

⁶Ke fai te tupu ke pela mo vaiua e to ifo ki fatoaga, Ke pela foki mo motigaua e 'to ifo ki te laukele.

⁷Ke tupu olaola te amiotonu i tena olaga katoa; Mo te manuia ke tumau eiloa i a ia, Pela mo te masina e tumau faeloa tena maina.

⁸A tena malo e oko atu ki feitu katoa o te lalolagi, Mai te vaitafe o Eufilate ke oko atu ki kapakapalagi.

⁹A tino i te toafa ka ifo atu i ona mua; Ka ko ona fili ka tafola valevale i luga i te laukele.

¹⁰A tupu o Sepania mo tupu o motu i loto i te Tai Metitilani e fai meaalofa atu ki a ia; A tupu o Alapi mo Aitiope[91] e fai taulaga ki a ia.

¹¹A tupu katoa ka ifo i ona mua; Mo fenua katoa ka tavini ki a ia.

¹²E fakasao ne ia a tino ma'tiva kola e ka'laga ki a ia, Mo latou foki kola e puapuagatia kae se amanaia ne tino.

¹³E alofa a ia ki tino vaivai mo tino ma'tiva; E fakasao foki ne ia a olotou ola.

¹⁴E fakaola ne ia latou mai tino sāuā mo tino matamua; E tafasili te taua o olotou ola i tena mafaufau.

¹⁵Ke ola loa te tupu! Ke maua mai ana aulo mai Alapi; Ke talosia a ia i taimi katoa, Ke fakamanuia faeloa te Atua ki a ia!

¹⁶Ke fakamaumea te fenua i saito; Ko mauga foki ke 'fonu i fuagalakau E pela mo te uke o fuagalakau i Lepanona. Ko fa'kai lasi ke faka'fonugina i tino, E pela mo mouku e ola i te laukele.

¹⁷Ke se fakapuligina te igoa o te tupu; A tena takutakua foki ke tumau faeloa pela mo te la. A fenua katoa ke 'viki ki a ia, tino katoa ke fakatagi atu ki te Atua ke fakamanuia a latou, [92] Ka ke kalaga foki latou ke maua ne te tupu te fiafia.

¹⁸Viki atu ki te Aliki te Atua o Isalaelu, Me ko ia fua tokotasi ne fai ne ia galuega fakaofoofogina konei.

¹⁹Ke vikia tena igoa 'malu ki te se gata mai! Ke 'fonu te lalolagi katoa i tena 'malu. Amene! Amene!

²⁰Tenei te fakaotiga o te talo a Tavita te tama a Iese.