Read Te Tusi Tapu I Te Gana Tuvalu Lomiga Lua SALAMO 75 Bible Online

SALAMO 75 - Te Tusi Tapu I Te Gana Tuvalu Lomiga Lua bible

SALAMO 75

¹[100] Te Atua, e fakafetai atu matou ki a koe, E fakafetai atu matou ki a koe! E folafola atu ne matou tou 'malu, Kae taku atu foki ne matou[101] a mea fakaofoofogia ne fai ne koe.

²Muna a te Atua, “Ko oti ne fakamoe ne au te taimi mō te fakamasinoga,” “Kae ka fai taku fakamasinoga mo te amiotonu.

³E ui eiloa e pole'pole mea ola katoa, Kae galulu te lalolagi, Kae ka fakatumau eiloa ne au ona fakavae.

⁴Au e fai atu ki tino fakamatamata ke sa fiasili;

⁵Au e fai atu ki a latou ke gata te olotou faipati fakamatamata.”

⁶A te fakamasinoga se vau mai te saega'la io me ko te toga'la, io me mai matu me ko saute;[102]

⁷Ko te Atua ko ia te famasino, E fakasala ne ia nisi tino kae fakasao nisi tino.

⁸E puke ne te Aliki a te ipu i tena lima, E fonu eiloa ki luga i te uaina malosi o tena kaitaua. Ne ligi ne ia ki lalo; Kae ne inu ne tino amio ma'sei ke oko eiloa ki te toe 'motiga.

⁹Kae ka se mafai o gata toku faipati e uiga ki te Atua o Iakopo. Mo toku usu pese tavae ki a ia.

¹⁰Ka fakamasei ne ia te malosi o tino amio ma'sei, Kae ka fakaopoopo a te malosi o tino amiotonu.