Read Te Tusi Tapu I Te Gana Tuvalu Lomiga Lua SALAMO 8 Bible Online

SALAMO 8 - Te Tusi Tapu I Te Gana Tuvalu Lomiga Lua bible

SALAMO 8

¹[9] Te Aliki te motou Aliki, E matea ne te lalolagi katoa tou 'malu! E 'fonu te lagi i ou vikiga mo tavaega;

² E usugina ne tamaliki mo pepe ou vikiga. A koe e 'malu kae sao lei mai ou fili katoa; E fakatakavale ne koe a tino kola e 'teke ki a koe.

³Ka onoono au ki te lagi, tela ne faite ne koe, Te masina mo fetu, kola ne fakatu ne koe i olotou tulaga;

⁴ Se a te aoga o te tagata e manatu mai ei koe ki a ia; Se a foki te aoga o te tagata e saga mai koe ki a ia?

⁵Kae ne fai ne koe a ia ke malalo ifo faeloa i a koe;[10] Ne tuku atu ne koe ki a ia te 'malu mo te vikiga.

⁶Ne tuku atu ne koe ki a ia te pule i au mea katoa ne faite; Ne fakatulaga ne koe a ia ke maluga atu i mea katoa;

⁷Ko mamoe mo pulumakau, mo manu foki o te vao;

⁸Ko manu eva mo ika, Mo mea katoa e ola i te tai.

⁹Te Aliki, te motou Aliki, Ko matea ne te lalolagi katoa tou 'malu!