Read Te Tusi Tapu I Te Gana Tuvalu Lomiga Lua SALAMO 82 Bible Online

SALAMO 82 - Te Tusi Tapu I Te Gana Tuvalu Lomiga Lua bible

SALAMO 82

¹[114] E takitaki te Atua i te fono faka te lagi; Kae fa'kaiku ne ia a tonu o te fono a atua penei:

²“E tau o fakagata ne koutou a fakamasinoga se 'tonu, E fakagata foki te fakakaukau o koutou ki tino amio masei;

³Ke puipui ne koutou te saolotoga o tino ma'tiva mo tamaliki ko 'mate olotou matua; Kae fai te fakamasinoga tonu ki tino ma'tiva mo tino fakaalofa!

⁴Ke fakasao ake latou mai te malosi o tino amio ma'sei.

⁵“Ko oko eiloa te otou pouliuli kae va'lea, E 'nofo foki koutou i te pouliga, Ka ko te fakamasinoga tonu ko galo mai te lalolagi.

⁶ Au ne fai atu, ‘A koutou katoa ne atua;’ ‘Ka ko koutou foki ne tama katoa a te Atua Tafasili i te Maluga.’

⁷Ka ko koutou e mate fua pela mo ne tino; E palele atu foki te otou ola, E pela mo te ola o so se pelenise.”

⁸Te Atua, vau koe o pule te lalolagi; Me i o koe a fenua katoa.