Read Te Tusi Tapu I Te Gana Tuvalu Lomiga Lua SALAMO 84 Bible Online

SALAMO 84 - Te Tusi Tapu I Te Gana Tuvalu Lomiga Lua bible

SALAMO 84

¹[116] Te Atua Malosi, ko oko eiloa toku fiafia ki tou Faletapu!

²Ko oko eiloa toku fia nofo i ei! Au e fia nofo i loto i te fale o te Aliki. E usu pese atu au mo te fiafia, mo toku loto katoatoa ki te Atua ola.

³Ke oko foki eiloa ki tamā manu, e isi ne olotou ofaga Kae e tausi olotou punua i tafa o ou fata-fai-taulaga, Te Aliki Malosi, toku tupu mo toku Atua.

⁴Ko oko eiloa te fiafia o tino kola e 'nofo i loto i tou Faletapu E usu pese faeloa kae 'viki ki a koe.

⁵Ko oko eiloa i te fia'fia o latou kola ne maua mai ne latou te malosi mai i a koe, Kola ko ma'nako malosi o fai malaga o fai tapuakiga i te Mauga o Siona.

⁶Ka koi fai malaga latou i te vanu o Peka, Kae 'poi eiloa me ko fai me se koga o vaipuna; Ka ko te tōga o vaiua muamua, ne fakafonu ei a koga poko'poko.

⁷E gasolosolo ake eiloa te lotou malosi ka koi fano eiloa te lotou malaga; Ka matea ne latou a te Atua o atua i Siona.

⁸Te Aliki te Atua Malosi katoatoa; Fakalogo mai ki taku 'talo. Te Atua o Iakopo, talia mai!

⁹Te Atua, fakamanuia mai te motou tupu, Ko te tupu eiloa tela ne filifili ne koe.

¹⁰E sili atu te aso e tasi e fakamaumau i tou Faletapu, i lo te afe o aso e fakamaumau i so se koga; E sili atu toku tu i te mataloa o te fale o toku Atua, i lo te nofo i fale o tino masei!

¹¹A te Aliki ko te 'tou 'puiga mo te 'tou tupu 'malu, E fakamanuia mai ki a tatou i tena alofa mo te fakaaloalo. E se taofi ne ia so se mea lei ki tino kola e fai meatonu.

¹²Te Atua Malosi, amutia a latou kola e talitonu ki a koe!