Read Te Tusi Tapu I Te Gana Tuvalu Lomiga Lua SALAMO 88 Bible Online

SALAMO 88 - Te Tusi Tapu I Te Gana Tuvalu Lomiga Lua bible

SALAMO 88

¹[120] Te Aliki te Atua toku fakaola, au e tagi ki a koe i te aso katoa, Kae e fakapilipili atu au ki a koe i te po.

²Fakalogo mai ki taku talo; Kae saga mai ki taku fakatagi mō se fesoasoani!

³Momea eiloa kae mate au i te uke o fakalavelave ne oko ki a au.

⁴Au e pela eiloa mo nisi tino katoa kola ka fai o mate, Mo toku malosi foki ko seai lele eiloa.

⁵Au ne tiakina i te fenua o tino 'mate, E pela eiloa au mo tino kola ne 'ta ke mate e 'moe i olotou tanuga, Kola ko puli lele i a koe, Ko se toe maua foki se fesoasoani mai i a koe.

⁶Ko oti ne pei ne koe au ki te koga 'poko o te tanuga, Ki te lua 'poko mo te pouli tagataga.

⁷Ko oko eiloa te malosi o tou ita ki a au, Ka ko logofiofio eiloa au i tou kaitaua.

⁸Ko oti ne fai ne koe oku taugasoa ke tiaki au, Ka ke takalia'lia mai foki oku fili ki a au. Au ko i loto i te lotou malei, ko faigata o sao;

⁹Ko vaivai oku mata i te fita. Te Aliki, au e kalaga sale atu eiloa ki a koe i aso katoa, Kae sisi ake oku lima ki a koe i aku talosaga.

¹⁰E a, e fai ne koe a vavega mō tino 'mate? E a, e toe 'tu a latou o 'viki atu ki a koe?

¹¹E a, e takutaku ne tino 'mate tou alofa tumau i olotou tanuga, io me ko tou fakamaoni i te koga o te malaia?

¹²E a, e lavea au vavega i te koga pouli tena, io me ko tou atafai i te fenua o te malaia?

¹³Te Aliki, au e kalaga atu ki a koe mō se fesoasoani; E 'talo atu au ki a koe i taeao katoa.

¹⁴Te Aliki, ai a ko fulitua mai ei koe ki a au? Ai a ko muni ei koe mai i a au?

¹⁵Talu mai taku folikiga, au ne puapuagatia kae momea eiloa kae mate au; Au ko fi'ta mai te 'mafa o au fakasalaga.

¹⁶A tou kaitaua fakamataku ko oko mai ki a au; Mo tou oso ita fakamataku ko fakamasei ne ia a au.

¹⁷I aso katoa ko nikoi au ne latou e pela mo se lofiaga; Ko ii mai latou ki a au i feitu katoa.

¹⁸E oko foki ki oku taugasoa pili, ne fai ne koe ke tiakina mai au, Na ko te pouliga fua ko toku taugasoa tenei e 'toe mai.