Read Te Tusi Tapu I Te Gana Tuvalu Lomiga Lua SALAMO 90 Bible Online

SALAMO 90 - Te Tusi Tapu I Te Gana Tuvalu Lomiga Lua bible

SALAMO 90

¹[124] Te Aliki, a koe ko te motou lafiga i taimi katoa.

²Ka koi tuai o faite ne koe a mauga, Koi tuai foki o faite ne koe te lalolagi, A koe ko te Atua mai mua loa, Kae ka fai loa koe mo Atua ki te se gata mai.

³E fai atu koe ki te tino ke foki atu ki te mea ne māfua mai ei a ia; E toe 'fuli ne koe a ia ke liu pefu.

⁴ A te afe o tausaga ki a koe e pau eiloa mo se aso e tasi; E pela mo te aso anafi tela ko teka atu, E pela eiloa me se itula toetoe o te po.

⁵E ave ne koe matou keatea e pela mo ne mea e tapea i se lofiaga. E toetoe atu te motou ola i lo te moemiti. E pau matou me ne mouku e olaola ake i te taeao,

⁶E 'tupu ake kae matala olotou pula, E mage'mage ko 'mate ei i te afiafi.

⁷Ko fakamaseigina matou i tou kaitaua; Ko ma'taku foki matou i tou ita lasi.

⁸Ko i ou mua omotou agasala, E matea foki ne koe omotou agasala 'funa.

⁹Ko fakatoetoe omotou ola ne tou ita; E palele atu foki omotou ola e pela me se musumusuga.

¹⁰E fitu sefulu tausaga e mafai o ola matou i ei, Kae kafai e tumau te malosi, e oko ki te valu sefulu; Kae i taimi kona ko iai te fanoanoa mo te puapuaga; Ko pili o palele te olaga, ko te mea eiloa ko oti atu.

¹¹Ko oi e iloa ne ia te malosi katoatoa o tou ita? Ko oi foki e iloa ne ia te fakamataku manafai e oko mai tou kaitaua lasi?

¹²Akoako mai ke iloa ne matou me toetoe fua te olaga; Ko te mea ke iloa ne matou.

¹³Te Aliki, e gata afea tou ita?

¹⁴Fakafonu ake matou ki tou alofa tumau i taeao takitasi, Ko te mea ke usu pese matou mo te fiafia i aso katoa o omotou olaga.

¹⁵Tuku mai ki a matou se fiafiaga lasi, e pela mo tau tukumaiga ki a matou te fanoanoa, i tausaga katoa kola ne puapuagatia ei matou.

¹⁶Fakaasi mai au galuega 'mana ki au tavini; Ke matea foki ne motou fanau tou mana malosi.

¹⁷Te Aliki te motou Atua, ke i a matou tau fakamanuiaga. Tuku mai te fakamanuiaga ki mea katoa a matou e fai!