Read Te Tusi Tapu I Te Gana Tuvalu Lomiga Lua SALAMO 91 Bible Online

SALAMO 91 - Te Tusi Tapu I Te Gana Tuvalu Lomiga Lua bible

SALAMO 91

¹So se tino e fano ki te Aliki ke sao a ia, So se tino foki tela e nofo i lalo o te tausiga a ia Tela e o ia te Malosi Katoatoa,

²E mafai o fai atu penei ki a ia, “A koe ko toku lafiga mo toku puiga. Koe ko toku Atua; e fakatuanaki au ki ei.”

³Ka tausi ne ia koe ke sao mai fakalavelave kola e seki matea atu, Mo masaki foki kola e oko mai ei te mate.

⁴E fakamalumalu ifo ne ia koe ki ona kapakau; Ko malu ei koe i tena tausiga; A tena fakamaoni ka 'pui ne ia koe, ko malu lei ei koe.

⁵E se 'tau mo koe o mataku i so se fakalavelave i te po io me ko taua e tupu fakavave i ao,

⁶io me ko mala e oko mai i te po, Mo mea masei kola e 'mate ei a tino i te ao.

⁷E mafai o 'mate se tokoafe i ou tafa, Kae sefulu afe e nikoi i a koe, Kae seai eiloa se mea masei e oko ki a koe.

⁸Ka kilo koe ki ei, kae ka lavea atu ne koe te fakasalaga o tino amio ma'sei.

⁹Me ko fai ne koe a te Aliki mo ou lafiga, Mo ia tela e Tafasili i te Maluga ko fai mo ou 'puiga,

¹⁰Ka seai ne puapuaga e oko atu ki a koe, Ka seai foki ne fakasauaga ka fakapilipili atu ki tou fale.

¹¹ Ka tuku atu ne te Atua ana agelu ke tausi ki a koe, O puipui foki koe i koga katoa e fano koe ki ei.

¹² Ka sapai koe ne latou ki olotou lima, i ou vae ma pakia i fatu.

¹³ Ka lakalaka ne koe a leona mo gata, Pela foki leona fe'kai mo gata poisini.

¹⁴Muna a te Atua, “Ka fakasao ne au a tino e a'lofa ki a au, E puipui foki ne au a latou kola e iloa ne latou i au ko te Aliki.

¹⁵Kafai e ka'laga mai latou ki a au, ka tali atu au ki a latou; Kafai e puapuagatia latou, ko au ka fesoasoani atu ki a latou, Ka fakasao kae faka'malu ne au latou.

¹⁶Ka tuku atu ne au ke ola loa latou; Kae faka'sao foki latou ne au.”