Read Te Tusi Tapu I Te Gana Tuvalu Lomiga Lua SALAMO 93 Bible Online

SALAMO 93 - Te Tusi Tapu I Te Gana Tuvalu Lomiga Lua bible

SALAMO 93

¹A te Aliki ko te Tupu. E fai mo ona gatu a te 'malu mo te malosi. Te lalolagi ko oti ne fakamautakitaki i tena tulaga, E se mafai o fakagasuegina.

²Te Aliki, a tou nofogaaliki Ko oti ne fakatumau mai te kamataga, A koe foki ne ola ka koi tuai o kamata te faitauga o aso.

³Te Aliki, a te moana 'poko ko sou, E sou kae 'golo.

⁴A te Aliki e tafasili i te maluga tena pule i te lagi, E malosi atu tena pule i te malosi o te 'golo o te moana, E malosi atu foki i galu o te tai.

⁵Te Aliki, au tulafono e seai se koga e gata mai i ei, A tou Faletapu e 'malu katoatoa, E oko eiloa ki te se gata mai, ki te se gata mai eiloa.