Read Te Tusi Tapu I Te Gana Tuvalu Lomiga Lua SALAMO 95 Bible Online

SALAMO 95 - Te Tusi Tapu I Te Gana Tuvalu Lomiga Lua bible

SALAMO 95

¹O'mai ke tavae ne tatou te Aliki! Ke ka'laga fiafia tatou ki te Atua tela e tausi ne ia tatou!

²Tou olo atu ki ona mua mo te fakafetai, Kae usu mo te fiafia a pese o tavaega ki a ia.

³Me i te Aliki ko te Atua malosi, Ko te tupu malosi i atua katoa.

⁴E pule a ia i te lalolagi katoa, E kamata mai i ana tafasili i te 'poko ke oko atu ki mauga tafasili i te maluga.

⁵E pule a ia i te tai, tela ne faite ne ia; Mo te laukele foki tela ne fakafua ake ne ia.

⁶O'mai ke ifo kae tapuaki atu tatou ki a ia; Ke totuli tatou i mua o te Aliki, tela ne faite ne ia tatou!

⁷ A ia ko te Atua o tatou; Ka ko tatou ko tino e tausi ne ia, Ko te lafu mamoe tela e fagai ne ia. Faka'logo mai ki ana muna i te aso nei:

⁸ “Sa loto makeke, pela mo otou tupuga i te nofoga i Melipa, E pela foki mo te aso ne iai latou i te vao i Masa.

⁹I koga kona ne tofotofo mai ei latou ki a au, Ka ko oti eiloa ne lavea ne latou a te mea ne fai ne au mō latou.

¹⁰E fa sefulu tausaga ne takalialia ei au ki tino kona; Fai atu ei au penei, ‘Ko oko eiloa i te se fakamaoni o latou! Ko se fia faka'logo latou ki aku fakatonuga.’

¹¹ Au ne ita, tauto ei au penei: ‘Ka se oko atu koutou ki te fenua tela ka maua ei ne koutou se malologa.’ ”