Read Te Tusi Tapu I Te Gana Tuvalu Lomiga Lua SALAMO 97 Bible Online

SALAMO 97 - Te Tusi Tapu I Te Gana Tuvalu Lomiga Lua bible

SALAMO 97

¹A te Aliki ko te tupu! Ke fiafia te lalolagi! Ke fiafia foki a fenua katoa e 'tu i te 'tai!

²A kaumana mo te pouliga e nikoi i a ia; A tena malo e fakavae ki te amiotonu mo te fai mea tonu.

³A te afi e fano i ona mua E 'sunu ei ona fili kola e i ona tafa.

⁴Ka ko te lalolagi e fakamaina ne ia ki te uila; E lavea ne te lalolagi, polepole ei i te ma'taku.

⁵E liu suavai mauga e pela mo te liu suavai o se gako i mua o te Aliki o te lalolagi katoa.

⁶E taku mai ne lagi tena amiotonu, Kae lavea ne malo katoa tena 'malu.

⁷A tino katoa kola e tapuaki ki tupua ka masiasi; A atua katoa ka ifo atu latou i mua o te Aliki.

⁸Te Aliki, e fia'fia a tino o Siona, E fia'fia foki a fa'kai o Iuta ona ko au fakamasinoga.

⁹Te Aliki Tafasili i te Malosi, a koe ko te pule o te lalolagi katoa; E sili atu koe i atua katoa.

¹⁰A te Aliki e alofa ki tino kola e takalia'lia ki amioga ma'sei; [126] Kae 'pui ne ia a ola o ana tino, E fakasao ne ia latou mai te malosi o tino amio masei.

¹¹A te mainaga e sulu atu ki tino amiotonu, Mo te fiafia foki ka maua ne tino amio 'lei.

¹²Ke fia'fia katoa koutou tino amiotonu, Ona ko galuega a te Aliki ne fai! Ke manatua ne koutou galuega a te Atua Tapu ne fai, Ke tuku atu foki ne koutou te fakafetai ki a ia.