Read Te Tusi Tapu I Te Gana Tuvalu Lomiga Lua SALAMO 98 Bible Online

SALAMO 98 - Te Tusi Tapu I Te Gana Tuvalu Lomiga Lua bible

SALAMO 98

¹[127] Ke pese atu koutou ki te Aliki i te pese fou; Ona ko ana galuega fakaofoofogina ne fai! Kae mai tena 'mana mo tena malosi tapu, Ne manumalo ei a ia.

²Ne fakasalalau ne te Aliki te tala i tena manumalo; Ne fakaasi atu ne ia tena 'mana fakaola ki fenua.

³Ne tausi eiloa ne ia tena feagaiga ki te fenua o Isalaelu, Mo tena alofa tumau mo tena fakamaoni ki a latou. Ne lavea ne tino katoa i te lalolagi a te manumalo o te tou Atua.

⁴Usu atu pese mo te fiafia ki te Aliki, te lalolagi katoa; Viki atu ki a ia i pese, kae ka'laga atu ki a ia mo te fiafia!

⁵Usu atu tavaega ki te Aliki! Ta atu a pese ki kitala!

⁶Ili atu a pu, kae ka'laga atu koutou mo te fia'fia ki te Aliki te tupu o tatou.

⁷Te tai, 'golo mai koe, mo mea ola katoa i a koe, Usu pese mo te fia'fia, te lalolagi mo tino katoa i ei!

⁸A koutou vaitafe, pati otou lima; A koutou mauga, pese fakatasi mo te fiafia i mua o te Aliki,

⁹Me ko vau a ia o pule i te lalolagi. Ka pule a ia i tino katoa o te lalolagi mo te fai mea tonu.