Read Te Tusi Tapu I Te Gana Tuvalu Lomiga Lua SALAMO 99 Bible Online

SALAMO 99 - Te Tusi Tapu I Te Gana Tuvalu Lomiga Lua bible

SALAMO 99

¹ A te Aliki ko te tupu; A tino ko polepole i te ma'taku. E sagasaga a ia i luga i tena nofogaaliki i te va o kelupi, Ka ko te lalolagi ko galulu.

²A te Aliki e malosi i Siona; E pule a ia i malo katoa.

³Ka 'viki tino katoa ki tena igoa 'malu mo te sili. E tapu foki a ia!

⁴Te tupu malosi, e fiafia koe ki te mea tonu; Ko oti ne tuku atu ne koe a te fai mea tonu ki Isalaelu; Ko oti foki ne tuku mai ne koe a te amiotonu mo te lei katoatoa.

⁵Viki atu ki te Aliki te Atua o tatou; Tapuaki atu i mua o tena nofogaaliki! E tapu a ia!

⁶A Mose mo Alona ko ana faitaulaga, Ka ko Samuelu ko te sua tino tokotasi tela e 'talo sale ki a ia; Latou katoa kona ne kalaga ki te Aliki, Kae ne tali mai a ia ki a latou.

⁷ Ne faipati mai a ia ki a latou mai te pou kaumana; Ne talia ne latou a tulafono mo fakatonuga mai i a ia.

⁸Te Aliki toku Atua, ne tali mai koe ki te kalaga o tou fenua; Ne fakaasi ne koe ki a latou i a koe se Atua fakamagalo agasala, Kae tela la, ne taui atu ne koe ki a latou olotou agasala.

⁹Viki atu ki te Aliki te 'tou Atua, Kae tapuaki atu i tena mauga tapu! A te Aliki te tou Atua e tapu a ia.