Read Te Tusi Tapu I Te Gana Tuvalu Lomiga Lua FAATAOTO 10 Bible Online

FAATAOTO 10 - Te Tusi Tapu I Te Gana Tuvalu Lomiga Lua bible

FAATAOTO 10

¹Konei a faataoto a Solomona: A te tamaliki poto e fakafiafia ne ia tena tamana, ka ko te tamaliki valea e aumai ne ia te fanoanoa ki tena matua.

²A koloa ne maua ne koe i auala se tonu e seai se aoga ki a koe, ka ko te fakamaoni e mafai o fakasao ne ia tou ola.

³E se mafai ne te Aliki o tuku tiaki a tino amio lei ke mate fiakai, kae e taofi ne ia a tino amio masei ke se maua a mea kola e manako ki ei.

⁴A te paie e fai ne ia koe ke mativa, ka ko te galue malosi e fai ne ia koe ke maumea.

⁵A te tagata mafaufau e fakaputu ne ia a fua o fatoaga manafai ko matua; se mea fakamasiasi manafai koe e moe i te taimi e tau ei te taukai.

⁶A te tagata amio lei e maua ne ia a fakamanuiaga. A muna a te tagata amio masei e funa ei ana uiga fakasaua.

⁷A tino amio lei e masauagina faeloa pela me se fakamanuiaga, ka ko tino amio masei e vave puli atu fua.

⁸A tino poto e talia ne latou a manatu fakatonutonu lei. A tino kola e faipati fakavalevale e fakaiku eiloa ki te malaia.

⁹A tino amiotonu e sao olotou olaga kae tokagamalie, ka ko tino amio pelo e iku eiloa ki te po i olotou amioga.

¹⁰A te tino e funa ne ia te mea tonu e fakatupu fakalavelave, ka ko te tino e faipati tonu o fakaasi tena manatu e fakatupu ne ia te filemu. [7]

¹¹A muna a te tagata amio lei e pela me se punavai o te ola, ka ko muna a te tagata amio masei e funa ei ona uiga fakasaua.

¹² A te ita e fakatupu ne ia fakalavelave, ka ko te alofa e ave keatea ne ia a loto fai taua.

¹³A tino poto e faipati ki mea lei, ka ko tino supa e tau o fakasala.

¹⁴A tino poto e maua ne latou a mea katoa e fia iloa ne latou, kae kafai ko faipati a tino valea, ko tena uiga a te fakalavelave ko pili mai eiloa ki a latou.

¹⁵A te maumea e puipui ne ia a tino maumea; a te mativa e fakamasei ne ia a tino mativa.

¹⁶A te taui o uiga lei ko te ola, ka ko te fai agasala e fai ne ia te tino ke gasolo aka eiloa o fai agasala.

¹⁷A tino kola e talia ne latou ke fakatonu olotou mea 'se ka ola faeloa, ka ko tino kola e se talia ne latou i a latou e 'se, e se mao mo te puapuaga.

¹⁸A te tino e funa tena kaitaua se tino loi. So se tino e gutu fai'tala se tino valea.

¹⁹A tou gutu faipati, e aumai ne ia koe ke pili ki te agasala. Kafai koe e poto, a koe se gutu faipati.

²⁰A muna a te tagata amio lei e pela me se siliva ma; a manatu o te tagata amio masei e se aoga.

²¹A muna a te tagata poto e aoga ki tino e tokouke, kae e mafai fua koe o mate i tou valea.

²²Ko te fakamanuiaga a te Aliki e fai ne ia koe ke maumea. Kafai koe e galue malosi kae seai se fakamanuiaga a te Atua, e se mafai eiloa o silia atu tou maumea.[8]

²³Se mea valea ke fiafia koe o fai amioga se tonu. A tino malamalama e fiafia o sala te poto.

²⁴A tino amiotonu e maua ne latou a mea e manako latou ki ei, ka ko tino amio masei e maua fua ne latou a mea ne mataku latou ki ei.

²⁵Kafai e oko mai te afā, ko tino amio masei eiloa ko agina keatea, ka ko tino fai meatonu e saogalemu faeloa.

²⁶Ke moa eiloa e aumai ne koe se tagata paie ke fai ne ia se galuega a koe; ka fita fua koe i ei, e pela mo tou fita manafai e isi ne vinika i ou nifo, io me ne au i ou mata.

²⁷Fakalogo ki te Aliki, kae ka ola loa koe. A tino amio masei e mate kae seki oko ki te aso e tau ei o mate.

²⁸A te fakamoemoega o tino amio lei e iku ki te fiafia, ka ko tino amio masei e seai se mea e fakamoemoe ki ei.

²⁹A te Aliki e puipui ne Ia a tino fai mea tonu, kae ta fakapalele ne Ia a tino fai mea se.

³⁰A tino amiotonu e saogalemu faeloa, ka ko tino amio masei e se mafai o sao i te fenua.

³¹A tino amiotonu e faipati ki te poto, ka ko laulaufaiva kola e faipati ki mea masei ka fakagata.

³²A tino amiotonu e iloa ne latou a muna alofa kola e tau o fai, ka ko tino amio masei e faipati faeloa ne latou a muna kola e tupu ei a taua.