Read Te Tusi Tapu I Te Gana Tuvalu Lomiga Lua FAILAUGA 10 Bible Online

FAILAUGA 10 - Te Tusi Tapu I Te Gana Tuvalu Lomiga Lua bible

FAILAUGA 10

¹A lago mate e mafai o fai ne latou a te fagu sausau katoa ke manogi masei, ka ko te valea foliki, e mafai o fakatakavale ne ia te poto lasi eiloa.

²E masani sale eiloa te tagata poto o fai ne ia a te mea tonu ka ko te tino valea o fai ne ia a te mea 'se.

³A te tagata valea e lavea atu eiloa tena valea ne tino fakaatea e fetaui mo ia i te auala; ko ana uiga e fai, e fakaasi atu ei ki tino katoa i a ia se vale.

⁴Kafai e ita tou pule ki a koe, sa lisaina muamua; kafai koe e nofo filemu, e mafai eiloa o fakamagalo tau mea 'se ne fai.[10]

⁵E isi se amioga se tonu e lavea ne au i te lalolagi tenei — se amioga se tonu e fai sale ne takitaki.

⁶A tino valea e ave sale ki tulaga maluga, ka ko tino maumea e fakaseaoga.

⁷Ko oti ne lavea ne au a pologa e sopo i tua o solofanua, ka ko tino ma'luga e sasale i lalo e pela me ne pologa.

⁸Kafai e keli ne koe se lua, e to foki eiloa koe ki loto i ei; kafai e ofa ne koe se pui ke to atu koe ki te sua feitu, kae ka u koe ne se gata.

⁹Kafai koe a galue i te koga e keli mai ei a fatu, ka pakia koe i fatu. Kafai e fafaī ne koe a laupapa, e pakia foki koe i ei.

¹⁰Kafai e tuka te mata o tau takū kae seki fa'kai ne koe, ko tena uiga, ka lasi atu tou malosi e fano mafai e fakaaoga ne koe. Tela la, e sili atu mafai ko leva ne fai au fuafuaga.

¹¹A tou iloa i te fakalataga o te gata e seai se aoga mafai ne tuku muamua koe ke u ne te gata.

¹²Ko muna e fai ne te tagata poto e fakaaloalogina ei a ia, ka ko te tino valea e fakaseaoga foki eiloa ne ana muna e fai.

¹³E kamata te tino valea o faipati ki muna valea, kae fa'kaiku ki te tina fakavalevale eiloa.

¹⁴A te tino valea e se mafai o gata tena gutu faipati. E seai se tino e mafai ne ia o fakailoa mai me se a te mea ka tupu fakamuli, e seai foki se tino e mafai o fakailoa mai ne ia me se a te mea ka tupu manafai ko 'mate atu tatou.

¹⁵Ko te tino fua tela ko to valea ko se iloa ne ia o foki ki tena fale, ka fakafi'ta fua a ia ki galuega.

¹⁶A te malō e maua fua ne fakalavelave manafai tena tupu se tamataene ka ko ona takitaki e fai 'kaiga faeloa i po katoa.

¹⁷E manuia te malō manafai tena tupu e fai eiloa ne ia ana ikuga, mo ona takitaki e kai i te taimi tonu, kae se inu ke konā fakatakalialia.

¹⁸Kafai se tino ko to paie ko se mafai o toe 'pono te tuafale o tena fale, ko tena uiga ka masei a te fale.

¹⁹A te fai 'kaiga e fakafiafia ne ia a koe, pena foki te uaina, kae e se mafai o maua ne koe a mea kona manafai e seai ne au tupe.

²⁰Sa fatufatu ne koe a te tupu, pela foki a tino mau'mea i so se koga, ke oko foki eiloa ki tou potu 'moe. E se taumate ka folafola ne se manu eva a muna fatufatu a koe kona ki tino ne fatufatu ne koe.