Read Te Tusi Tapu I Te Gana Tuvalu Lomiga Lua PESE A SOLOMONA 1 Bible Online

PESE A SOLOMONA 1 - Te Tusi Tapu I Te Gana Tuvalu Lomiga Lua bible

PESE A SOLOMONA 1

¹Ne pese tafasili i te gali, ne fai ne Solomona.[1]

²Ou laugutu ko sogi mai ki oku laugutu, A tou alofa e sili atu i te uaina.

³A tou foitino e manogi gali; Ka lagona ne au tou igoa kae masaua ne au tou manogi. E faigata se fafine o se fiafai atu ki a koe.

⁴'Taki atu au ke olo taua, ke 'tele taua ki se koga; Ke fai koe mo oku tupu kae avatu au ki tou potu, Ke fia'fia fakatasi taua. A tou alofa e sili atu i te uaina. E setioa eiloa o alofagia koe ne fafine katoa!

⁵Fa'fine o Ielusalema, au e uli kae[2] taulekaleka, E uli e pela mo faleie o kitala i te toafa, kae taulekaleka e pela mo laugatu pui i te palesi o Solomona.

⁶Sa fakatauemu ki te lanu o toku foitino, I a au e uli fua ne kasa ne te la. A oku tuagaene ne ita ki a au, tena, Ave ei ne latou au o fakagalue i te togavine. Tela la, e seai se taimi e fakagaligali sale ei toku foitino.

⁷Taku pele, taku mai Me tefea te koga ka ave ei ne koe ki ei a tau lafu mamoe ke kaikai i ei? Tefea te koga ka fakama'nava ei latou mai te vela o te la i te tutonu? Ai a ka fano fua ei au o sala koe i lafu mamoe a nisi tausi mamoe?

⁸Te fafine tafasili i te taulekaleka, e se iloa ne koe te koga ka fano au ki ei? Fano o tautali i tua o te lafu mamoe; Sala se malae mouku mo kaikai au kouti i tafa o faleie o tausi mamoe.

⁹Taku pele, a koe ko oko eiloa i te manakogia ne tagata E pela eiloa me se solofanua fafine ko manakogina ne solofanua tagata kola e 'taki a kaliota a Falao.

¹⁰Ou laulu ko oko eiloa i te āta gali ki ou kalafau, Kae tau'tau ifo i tou ua e pela me ne fatu malipo'lipo.

¹¹Kae ka fai ne matou ne ligi aulo mō koe, Mo ne malele siliva.

¹²A toku tupu e takato i tena moega, Ka ko pusaki atu te manogi o toku sausau.

¹³A taku pele e manogi ki te manogi o te sinu ko te mulo I te taimi ne takato mai ei i luga i toku fatafata.

¹⁴A taku pele e pela me se pula o te vao ko matala i te togāvine i Eneketi.

¹⁵Taku pele, ko oko eiloa koe i te gali; A tou alofa ko iloa atu eiloa i ou mata!

¹⁶Taku pele, ko oko eiloa i tou taulekaleka; Ko oko eiloa i toku fiafia i a koe! A te moega o taua ko te mouku lanu usiusi;

¹⁷A lakau ko alasi ko utupoto o ta fale, Ka ko lakau ko pelosi ko te fakaalo tena.