Read Te Tusi Tapu I Te Gana Tuvalu Lomiga Lua PESE A SOLOMONA 3 Bible Online

PESE A SOLOMONA 3 - Te Tusi Tapu I Te Gana Tuvalu Lomiga Lua bible

PESE A SOLOMONA 3

¹I po katoa i luga i toku moega, e moemiti faeloa au ki taku pele; Ne sala sale au ki ei, kae e seki maua ne au.

²Ne fano sale au i loto i te fa'kai, I auala lasi mo auala foliki. Ne sala au ki taku pele Kae seki maua eiloa ne au.

³A tino leoleo kola e tausi ne latou te fa'kai ne lavea ne latou au. Ne fesili atu au ki a latou penei, “Kai lavea eiloa ne koutou taku pele?”

⁴I te taimi eiloa ne tiakina atu ei ne au a latou, Te mea eiloa ko maua ne au taku pele. Ne sai ne au a ia kae seki toe tiakina ne au mai oku lima Ke oko eiloa ki te taimi ne ave ei ne au a ia ki te fale o toku matua, Ki te potu ne fanau ei au.

⁵Fa'fine o Ielusalema, tauto mai ki a au i te igoa o te tia tele makini mo kasele, Ke se fakalavelave ne koutou te famau a maua.

⁶Se a te mea tenei e vau mai i te vao, E pela me se au, E manogi pela me se mea fakamanogi pela foki me se sinu o te mulo, Te mea fakamanogi tela e fakatau atu sale ne tino fai mea togi?

⁷A Solomona ko vau, e amo mai i luga i tena nofogaaliki; E tino ono sotia e tausi ne latou a ia, Ko toe sotia tafa'sili eiloa o Isalaelu.

⁸A sotia katoa kona ko latou eiloa ko poto i te taua ki pelu; A latou ne sotia ko masani faka eiloa mo taua. E tofu katoa latou mo pelu, Kae toka faeloa mo so se potukau e taua mai ki a latou i se po.

⁹A te Tupu ko Solomona e amo mai i luga o te nofogaaliki e faite ki laupapa tafasili i te gali.

¹⁰A ona pou e ufi ki siliva; Ka ko te koga ki luga e ufi ki te laugatu e teuteu ki aulo. A famalū o te nofogaaliki tena e ufi ki te laugatu lanu kulakula, Tela ne faite faka'lei eiloa ne fafine o Ielusalema.

¹¹Fa'fine o Siona, o'mai o onoono ki te Tupu ko Solomona. E na mai i tena ulu a te kalauna tela ne tuku ne tena matua ki tena ulu I te aso ne fakaipoipo ei a ia, Te aso ne lifu kae fiafia ei a ia.