Read Te Tusi Tapu I Te Gana Tuvalu Lomiga Lua PESE A SOLOMONA 8 Bible Online

PESE A SOLOMONA 8 - Te Tusi Tapu I Te Gana Tuvalu Lomiga Lua bible

PESE A SOLOMONA 8

¹A koe moi fai pela ko toku tuagaene Kae ne faū foki koe ne toku matua ki ona mataū, E penei, kafai e fetaui taua i te auala, E mafai faeloa ne au o sogi koe seai eiloa se tino e saga mai ki a taua.

²Ka mafai foki o ave ne au a koe ki te fale o toku matua, I kona ka akoako mai ei ne koe au ki te uiga o te alofa. Ka avatu foki ei ne au taku uaina ne fakamanogi ki mea fakama'nogi, Mo taku pomekalanite ke inu koe i ei.

³A tou lima fakamaui e aluga ei au, ka ko tou lima fakaatamai e sai mai ki toku foitino.

⁴Fa'fine o Ielusalema, tauto mai me ka se fakalavelave koutou ki te ma famau.

⁵Ko oi tenei e vau mai te vao, Tenei e piki lima mai mo tena famau? Ne fāgu ne au a koe i lalo o te lakau ko te apolo, Te koga ne fanau ei koe

⁶Sa talia ne koe se alofa o so se tino na ko toku alofa eiloa; Sa 'sai ne koe se isi tino aka ki ou lima, na ko au eiloa tokotasi. A te alofa e pela eiloa mo te mate i te malosi; A te alofa e pela foki eiloa mo te mate i te mafi. E ula kae ka e pela me se afi lasi eiloa.

⁷E se mafai ne vai e uke o tamate te alofa; E seai se lofiaga e mafai o tamate ne ia. Kafai se tino e taumafai o togi te alofa ki ana koloa, A te mea e maua ne ia ko te fanoanoa fua.

⁸E isi se tuagaene foliki o matou, Ka ko ona u koi fo'liki faeloa. Se a te mea ka fai ne tatou mo ia mafai e vau se tamataene o fia fai famau ki a ia?

⁹Kafai a ia se 'pui, Kae ka faite ne tatou se taoa siliva mo ia. Kae kafai a ia se mataloa, Kae ka pono ne tatou ki laupapa o te alasi.

¹⁰Au se pui, Ka ko oku u e pela me se taoa o te 'pui. E iloa ne taku pele, Me e maua ne au te tokagamalie mo te filemu mafai e nofo tasi maua.

¹¹E isi se togavine a Solomona, E tu i te koga e igoa ko Paala Hamona. E isi ne tino fai fatoaga e fakaaoga ne latou kae togi ne latou te tupe ki a ia; A te tino tokotasi e togi atu ne ia e tusa mo te afe tupe siliva.

¹²A te vaega o Solomona e afe tupe, Ka ko tino fai fatoaga kola e tausi ne latou, e maua ne latou e luaselau; E isi foki saku togavine!

¹³Taku pele, faipati mai ke lagona aka ne au tou leo mai te fatoaga; A oku taugasoa konei e fakatalitali ke lagona ne latou tou leo mafai e faipati mai koe.

¹⁴Taku pele, vau ki a au e pela me se kasele, E pela me se tamā tia i luga o mauga e ola ei a mea fakama'nogi meakai.