Read Te Tusi Tapu I Te Gana Tuvalu Lomiga Lua ISAIA 11 Bible Online

ISAIA 11 - Te Tusi Tapu I Te Gana Tuvalu Lomiga Lua bible

ISAIA 11

¹4 A te laina tupu o Tavita e pela me se lakau tela ko oti ne kati ki lalo; kae e pela eiloa mo kaula fou kola e ola aka i te foitino o te lakau, ka pena te mea ka tupu, me ka isi se tupu tela ka tupu ake mai i te gafa o Tavita.

²A te agaga o te Aliki ka aumai ne ia ki a ia a te poto, Te atamai mo te apo i te pulepulega o ona tino. Ka iloa ne ia te loto o te Aliki, kae ka fakaaloalo foki ki ei,

³Kae fiafia o fakalogo ki a ia. E se fakamasino ne ia a tino i olotou foliga io me ko muna faipati a latou;

⁴ Ka fakamasino ne ia a tino ma'tiva mo te tonu katoatoa, Kae puipui foki ne ia te saolotoga o tino fakaalofa. E fai tena fakatonuga o fakasala a tino, Pena foki ki tino amio masei ka mate.

⁵ Ka pule ne ia tena fenua i te fakamaoni mo te mea tonu.

⁶ A kuli vao mo mamoe ka nofo tasi mo te filemu, Pela foki a lepoti ka takatokato fakatasi mo tamā kouti. A tamā pulumakau mo tamā leona ka kai [20] fakatasi, Kae ka tausi latou ne tamaliki foliki.

⁷A pulumakau mo ulosa ka kai fakatasi, Pena foki a tamā pulumakau mo tamā ulosa, Ka takatokato fakatasi mo te filemu. A leona ka kai ki mouku pela mo pulumakau.

⁸Ke oko foki eiloa ki pepe, ka seai eiloa se mea e tupu ki ei manafai e tafao i tafa o se gata poisini.

⁹ Ka seai eiloa se mea fakamataku kae masei i luga i Siona, Te mauga tapu o te Aliki. A te laukele ka fonu i te malamalama i uiga o te Aliki, E pela mo te tai tela e fonu i te suatai.

¹⁰ E isi eiloa se aso mai mua nei e fai ei te tupu fou mai i te gafa o Tavita mo fakailoga ki malo e uke. Ka maopoopo latou i tena fa'kai fakatupu o avatu ki a ia te fakaaloalo.

¹¹Kafai e oko mai te aso tena, ka toe fakaaoga ne te Aliki tena mana o toe fakafoki mai a tino o tena fenua kola koi toe i Asulia mo Aikupito, pela foki i fenua ko Patalosa, Sutana,[21] Elama, Papelonia mo Hamata, pela foki i fa'kai pili ki te tai mo fenua i te tai.

¹²Ka sisi ake ne te Aliki se fuka o fakaasi ki malo me ko toe fakamaopoopo mai ne ia a tino Isalaelu mo Iuta kola ne salalau valevale, o toe fakafoki mai latou mai i feitu e fa o te lalolagi.

¹³A te malo o Isalaelu ka se toe lotomasei ki te malo o Iuta, pena foki Iuta ka se toe fai mo fili o Isalaelu.

¹⁴Ka kau fakatasi laua o taua atu ki tino Filisitia i te togala, kae taua atu foki ki tino kola e nofo i te saegala. Ka fakatakavale ne latou a tino Etoma mo tino Moapi, ka ko tino Amoni ka fakalogo ki a latou.

¹⁵ Ka faka'masa pakupaku ne te Aliki a te kogātai o Suesa, kae ka aumai ne ia te matagi vela o faka'masa pakupaku a te Eufilate, kae faka'toe fua e fitu a tamā vaitafe foliki, ko te mea ke mafai ne so se tino o sasale mai i te sua feitu ki te sua feitu.

¹⁶Ka isi se auala lasi e vau ki tua mai Asulia mō o'mai ei a tino o tena fenua ko Isalaelu kola koi ola i kona, e pela foki eiloa mo te auala mai Aikupito i aso o olotou tupuga, i te taimi ne tiakina ei ne latou Aikupito.