Read Te Tusi Tapu I Te Gana Tuvalu Lomiga Lua ISAIA 15 Bible Online

ISAIA 15 - Te Tusi Tapu I Te Gana Tuvalu Lomiga Lua bible

ISAIA 15

¹ A te fekau tenei se fekau e uiga ki a Moapi. A fa'kai o Ala mo Kila e ofa fakamasei i te po fua e tasi, kae ka seai se leo e lagona i te fenua o Moapi.

²A tino o Tipono[23] kake ki mauga o tagi i fale tapuaki. A tino o Moapi ko tagi fanoanoa ona ko fa'kai ko Nepo mo Metepa; ko oti ne vele olotou ulu mo olotou talafa ona ko te fanoanoa.

³A tino i auala ko pei fua ki gatu masaesae; a tino ko tagi valevale i te fanoanoa i malae sautala, pela foki i tuafale o fale.

⁴A tino o Hesepono mo tino o Eleale ko tagi, kae e mafai o lagona atu olotou tagi mai i te fa'kai mao o Iasa. Ke oko foki eiloa ki sotia, ko oko eiloa i te polepole, ko seai eiloa ne lotou loto toa.

⁵A toku loto ko tagi atu ki a Moapi! A tino ko tele ki te fa'kai o Soala, pela foki ki Ekelata Selisia. A nisi e kake i te auala ki Luita, kae tagi atu eiloa i te lotou auala; a nisi ne sola ki Holonaima, kae ko oko eiloa i te tagi fanoanoa.

⁶A te vai o Nimalima ko masa pakupaku, a mouku i ona tafa ko mate, ko seai eiloa se lanu usiusi o ne lakau ola ke lavea atu.

⁷A tino ko olo ki te sua feitu o te Vanu o Uilou, o taumafai ke sao latou mo olotou kope katoa.

⁸I tuakoi katoa i feitu katoa o Moapi e lagona atu eiloa te leo o te tagi, e lagona atu foki eiloa i fa'kai o Ekelaima mo Pelelima.

⁹A te Vaitafe i te fa'kai o Tipono ko kula eiloa i te toto, kae e isi aka foki eiloa se fakamalaiaga e silia atu i te masei tela ne fakatoka ne te Atua mo tino i kona. Ao, a tino katoa e toe i Moapi ka ta katoa ke mate.