Read Te Tusi Tapu I Te Gana Tuvalu Lomiga Lua ISAIA 18 Bible Online

ISAIA 18 - Te Tusi Tapu I Te Gana Tuvalu Lomiga Lua bible

ISAIA 18

¹ Mai tua atu o Vaitafe o Sutana, e isi se fenua tela e lagona i ei a te leo o kapakau o manu.

²A sui e o'mai mai i te fenua tena, e o'mai i loto i te Naila i luga i poti kola ne faite ki mouku. Avefekau makini, foki nei ki otou fenua! Tenei te fekau ke foki mo koutou ki te otou fenua tela e va ki vaitafe, ki te otou malo toa kae malosi, te otou fenua tela e nofogia ne tagata loa kae gali olotou pakili, kola e mataku ki ei te lalolagi katoa.

³Fakalogo mai koutou katoa kona e nofo i te lalolagi! Onoono fakalei ki se fakailoga, tela ko fuka, i te taimi e sisi ake i luga i ulu o mauga! Fakalogo fakalei i te taimi e fakatagi ei te pu!

⁴Muna a te Aliki ki a au, “Au ka kilokilo ifo mai i te lagi, e pela eiloa mo te sau tela e liu vai i po velavela o te taimi o te taukai, e pela foki eiloa mo te maina gali mai o te la i te vela o te ao.

⁵Ka koi tuai o fakaputu a fuagavine, i te taimi ko tatela ei a pula o vine mo fuagavine foki ko sulu, ka ko te fili ka ta ne latou te kau Sutana e pela eiloa mo te faigofie o se naifi tela e kati ne ia a kaula mai i te vine.

⁶A foitino mate o olotou sotia ka tiakina fua ke kai ne manu eva mo manu vae fa. I te tau vela, ko manu eva ka kai i foitino kona, kae i te tau moko ko manu vae fa ka kai i ei.”

⁷I se aso mai mua nei, kae ka maua ne te Aliki Malosi ne taulaga mai i te fenua tenei e va ki vaitafe, te malo toa kae malosi tenei, te malo o tino loa kae 'gali olotou pakili, kola e mataku ki ei a tino katoa o te lalolagi. Ka o'mai latou ki te Mauga o Siona, te koga e tapuaki ei a tino ki te Aliki Malosi.