Read Te Tusi Tapu I Te Gana Tuvalu Lomiga Lua ISAIA 20 Bible Online

ISAIA 20 - Te Tusi Tapu I Te Gana Tuvalu Lomiga Lua bible

ISAIA 20

¹Mai i te fakatonuga a te tupu o Asulia ko Sakono, ne taua atu ei a te takitaki pule o te kautau a Asulia ki te fa'kai o Filisitia ko Asetota.

²E tolu tausaga ko teka, a te Aliki ne fai ki a Isaia te tama tagata a Amota ke tapale keatea ona taka, mo te gatu masaesae tela e pei ei a ia. Ne fakalogo Isaia, fano sale ei seai ne ona gatu seai foki ne ona taka.

³I te taimi ne takavale ei Asetota, muna a te Aliki, “A taku tavini ko Isaia ne fanofano sale i tausaga konei e tolu, seai ne gatu, seai ne taka. A te mea tena se ata o te mea ka tupu ki Aikupito mo Sutana. [28]

⁴A te tupu o Asulia ka ave ne ia a pagota seai ne gatu kola ne puke mai ne ia mai i fenua kona e lua. A talavou mo tino ma'tua eiloa ka sasale seai ne gatu, seai ne taka, mo olotou papamuli ko tuku faka'sau, ko te mea ke aumai ei te masiasi ki luga i Aikupito.

⁵A tino kola ne fakatuaga ki a Sutana, kae fakamatamata ona ko Aikupito ka poi, mo olotou fakamoemoega foki ka fakaseaogagina.

⁶Kafai e oko mai te aso tena, a tino kola e nofo i te tafatai o Filisitia ka fai ake penei, ‘Kilo atu ki te mea tena ko tupu ki tino kona ne faka lagolago tatou ki ei ke puipui ne latou a tatou mai i te tupu o Asulia! Ka sao nei pefea tatou?’ ”