Read Te Tusi Tapu I Te Gana Tuvalu Lomiga Lua ISAIA 35 Bible Online

ISAIA 35 - Te Tusi Tapu I Te Gana Tuvalu Lomiga Lua bible

ISAIA 35

¹A te toafa ka lifu, Mo pulalakau ka ma'tala i te vao.

²A te toafa ka usu pese kae kalaga mo te fiafia; Ka pela eiloa mo Mauga o Lepanona i te gali Kae laukele ola pela mo fatoaga o Kalamelu mo Salona. Ka lavea ne tino katoa a te malu o te Aliki, Tena takutakua mo tena mana.

³ Avatu te malosi ki lima kola ko vaivai Mo tulivae kola ko polepole i te vaivai.

⁴Fai atu penei ki tino loto vaivai, “Fakama'losi kae sa mataku! A te Atua e vau o fakasao koutou, E vau o fakasala otou fili.”

⁵ A tino kivi ka lavea ne latou a mea, Mo tino taliga tuli ka lagona ne latou a mea.

⁶A tino vae masei ka eva ki luga kae saka, Ka ko tino gūgū ka kalaga mo te fiafia. A vaitafe foliki ka tafe i loto i te toafa;

⁷A te one vela ka liu namo, Mo te laukele malo ka fonu i vaipuna. A te koga tela e masani o nofo sale i ei a Manu vae fa ko tiakolo Ka sua i vai kae ka ola te mouku o koga suasua i kona.

⁸Ka isi se auala lasi i kona e fakaigoa ko “Te Auala Tapu.” E seai eiloa se tino agasala e fano i te auala tena; E seai ne tino valea e mafai o faka'se Ne latou a tino kola e olo i te auala tena.

⁹Ka seai ne leona i kona; Seai foki ne manu vae fa fakamataku e olo sale i te auala tena. A latou kola ne fakasao ne te Aliki ka foki Ki te lotou fenua i te auala tena.

¹⁰Ka oko atu latou ki Ielusalema mo te fiafia, Ka usu olotou pese kae ka'laga fiafia. Ka fiafia latou ki te se gata mai, Ka se toe ai se fanoanoa mo te tagi fanoanoa ke oko Ki te se gata mai.