Read Te Tusi Tapu I Te Gana Tuvalu Lomiga Lua ISAIA 47 Bible Online

ISAIA 47 - Te Tusi Tapu I Te Gana Tuvalu Lomiga Lua bible

ISAIA 47

¹ Muna a te Aliki, “Papelonia, vau ki lalo mai i tou nofogaaliki O sagasaga i lalo i te pefu, i te laukele. A koe muamua ne pela me se taupou, Se fa'kai e seki fakatakavalegina eiloa, Kae nei a koe ko se aoga! A koe nei ko fai mo pologa!

²Mio aka te fatu solo saito! Solo te falaoa! Tapale keatea tou veli! Tapale keatea ou gatu gali! 'Pelu aka tou titi ki luga ko te mea ke sopo atu Koe ki te sua feitu o te vaitafe![50]

³Ka lavea koe ne tino i a koe e nofo fuafua; Ka lavea ne latou a koe e fakamasiasigina. Ka taui atu ne au te amioga masei a latou ne fai, Kae e seai eiloa se tino e mafai o taofi ne ia au.”

⁴A te Atua tapu o Isalaelu ne fakasao ne ia tatou, A tena igoa ko te Aliki Malosi.

⁵Muna a te Aliki ki a Papelonia, “Sagasaga i te pouliga kae sa ua; Ka se toe taku koe ko te tupu fafine o malo!

⁶Au ne kaitaua ki toku fenua; Ne fai ne au latou pela me se ko oku tino: Ne tuku atu ne au latou ki tou malosi, Kae ne seki alofa eiloa koe ki a latou; Ke oko foki eiloa ki tino matua e seki fai fakalei foki ne koe.

⁷A koe e leake eiloa nei i a koe ka fai faeloa mo tupu fafine o malo; E seki mafaufau eiloa koe ki feitu kona E seki mafaufau foki koe me se a te ikuga o mea kona.

⁸ “Fakalogo mai, koe tena e naunau ki fiafiaga, Koe tena e manatu pela i a koe e saogalemu tou olaga. E fai ake koe pela i a koe e takutakua pela mo te Atua, Kae e seai foki se tino e pau mo koe. E mafaufau foki koe i a koe e se mafai O fai pela me se fafine ko mate tena avaga, E fai mai foki koe i a koe e se mafai o fanoanoa me ko galo otou fanau.

⁹Kae ka taunu eiloa a mea kona i se taimi toetoe, i se aso e tasi. E ui eiloa e fakaaoga ne koe a togafiti fakataulaitu, Kae ka mate eiloa tau avaga mo tau fanau.

¹⁰“A koutou e fakatuaga eiloa ki otou amioga masei; E leake eiloa nei koutou me e seai se tino E lavea ne ia koutou. A te otou poto mo te atamai ko fakase ne ia koutou. E fai ake koutou ki a koutou eiloa penei, ‘Au ko te Atua — e seai se tino e pau mo au.’

¹¹Ka oko mai te malaia ki a koutou, Kae e se mafai ne otou taulaitu o fakagata te malaia tena. Ka oko fakavave mai te fakamaseiga ki a koutou, Ko te fakamaseiga tela e seki moe'miti eiloa koutou ki ei!

¹²Tausi fakalei otou togafiti fakataulaitu; Ne fakaaoga sale eiloa ne koutou talu mai aso koi foliki ei koutou. E se taumate ka maua se fesoasoani o koutou mai i ei; E se taumate ka mafai o fakamatakutaku ei ne koutou otou fili.

¹³E ui eiloa i manatu fakatonutonu e maua ne koutou, Ka ko koutou ko seai eiloa se otou malosi, Fai ki otou tino poto i fetu ke o'mai o fakasao koutou, Ko latou kona e tauloto ne latou a fetu, Ko latou e lomi ne latou a fafanua o lagi, Kae e fakaasi atu foki a mea e tupu i masina takitasi.

¹⁴“Ka pela latou me ne potumea o kausaito, Kae ka sunu latou i te afi! Ka se mafai foki ne latou o fakasao a latou eiloa; A te ulaga afi ka to vela ki a latou, E se se afi mo fakamafanafana latou.

¹⁵Tena eiloa te mea lei e mafai o fai ne te kau poto i fetu mo koutou, ko latou kona kola ne Olo sale koutou o fesili ki ei e uiga ki mea ka tupu, Talu mai aso ne ola ei koutou. Ka tiakina ne latou a koutou kae olo ki te koga e olo i ei, E seai eiloa se tino e nofo mai o fakasao koutou.”