Read Te Tusi Tapu I Te Gana Tuvalu Lomiga Lua ISAIA 48 Bible Online

ISAIA 48 - Te Tusi Tapu I Te Gana Tuvalu Lomiga Lua bible

ISAIA 48

¹Fakalogo mai, koutou tino Isalaelu kola ne tupu mai i a Iuta: A koutou e tauto ki te igoa o te Aliki Kae fai mai koutou i a koutou e tapuaki Ki te Atua o Isalaelu, Kae tela la, e faipati fua otou gutu kae se fai ne Koutou a mea kola e faipati ne koutou.

²E fakamatamata koutou o fai pela i a koutou ne tino o te fa'kai tapu, Kae fakalagolago ki te Atua o Isalaelu, Tela e igoa ko te Aliki Malosi.

³Muna a te Aliki ki Isalaelu, “I aso mua, ne valo ne au te mea ka tupu; Tena la, ne fai eiloa ne au ke taunu.

⁴E iloa ne au i a koutou ka loto makeke, E makeke pela me ne fiti kae fakalogoga'ta pela me ne fiti palasi.

⁵Tela la, ne valo ne au i aso mua a te mea ka oko ki a koutou. E folafola ne au a mea ka 'tupu, Kae koi tuai o taunu, Ko te mea ke mo a e fai ake koutou pela me ko otou tupua mo Fakatusa ne fai ne latou a mea kona ke taunu.

⁶“A mea katoa kola ne valo ne au i aso mua ko taunu nei; E tau o fai mai koutou pela me e tonu aku valoaga. Nei, ka fakaasi atu ne au ne mea fou konei Ka 'tupu mai mua nei, Ne mea e seki fakaasi atu eiloa ne au muamua.

⁷Ko te taimi fua nei ka fai ei ne au ke 'tupu; E seki ai eiloa ne mea penei kai 'tupu taumua, Moi fai pela ko oti ne 'tupu a mea pena taumua, E penei e fai mai foki koutou me ko Leva ne iloa ne koutou a mea kona ka tupu.

⁸Ko leva ne iloa ne au i a koutou e se tau o fakatalitonugina, Me ko iloa foki i a koutou ne tino teke. Tena te mea e seki logotala eiloa koutou i mea konei, Tena te pogai e seki lagona ei ne otou taliga se tala e uiga ki mea kona.

⁹“Ka taofi ne au toku kaitaua ke mo a e oko atu o 'ta fakamasei koutou, Ko te mea ke tavae ne tino a toku igoa.

¹⁰Ko oti ne tofotofo ne au koutou i te afi o puapuaga, e pela mo te siliva tela e faka'ma i te afi. Kae ne maua aka nei ne au i a koutou e se aoga.

¹¹A te mea e fai ne au, e fai mo toku lei — Au se manako ke takuvalea toku igoa, io me talia se tino ke vae maua i te 'Malu katoatoa tela e oku tokotasi.”

¹² Muna a te Aliki, “Fakalogo mai ki a au, koutou Isalaelu, Te fenua ne kalagagina ne au! Au ko te Atua, te kamataga mo te fakaotiga, Ko te Atua e tokotasi!

¹³Ne faite ne oku lima a te fakavae o te lalolagi Kae 'fola a lagi ke mafola. Kafai e kalaga atu au ki te lalolagi mo te lagi, Se mea vave eiloa o o'mai ki oku mua.

¹⁴“Maopoopo mai kae fakalogo mai, koutou katoa! E seai se atua e mafai o valo ne ia Me i te tagata tela ne filifili ne au Ka taua atu ki Papelonia; E fai ne ia a te mea e manako au ke fai ne ia.

¹⁵Ko au ne faipati ki ei kae kalaga ne au; Ne 'taki ne au a ia kae tuku atu ki a ia a te manumalo.

¹⁶“Vau nei ke pili mai koe ki a au, Kae fakalogo mai ki aku muna. Mai i te kamataga, au ne faipati sale eiloa ke lagona ne koutou, Kae ne fai faeloa ne au aku muna ne fai ke taunu.” (Nei, a te Aliki Sili ne tuku mai ne ia ki a au a tena mana kae uga mai ne ia a au.)

¹⁷A te Atua tapu o Isalaelu, Te Aliki tela ne fakasao ne ia koutou ko fai mai penei, “Au ko te Aliki te otou Atua, Tela e manako o akoako koutou ke lei koutou Kae fakatonutonu foki koutou i te auala E tau o olo koutou i ei.

¹⁸“Moi ne fakalogo mai eiloa koutou ki aku fakatonuga, E penei a fakamanuiaga mo koutou e tafe eiloa Pela me se vaitafe tela e se mafai o masa pakupaku! E penei e maua ne koutou te manumalo pela Mo galu kola e fati ki luga i te tafatai.

¹⁹E penei, e fakatokouke ne au a te otou gafa ke pela mo one, Kae onoono foki au ke mo a e ta fakamaseigina.”

²⁰ Olo atu keatea mai i Papelonia, olo mo te saoloto! Paka'laga o fakaasi atu te tala fiafia; Fakailoa atu ki koga katoa penei: “A te Aliki ne fakasao ne ia a tena tavini ko Isalaelu!”

²¹I te takiga ne te Aliki a tena fenua i loto i te toafa vela kae laukele malo, E seki puapuaga eiloa latou i te fiainu. Ne fai ne ia te vai ke sali mai i te kaupapa mo olotou inu; Ne fakamavae ne ia te kaupapa, Ko te vai eiloa ko sali mai ki tua.

²² Muna a te Aliki, “A tino agasala e se sao.”