Read Te Tusi Tapu I Te Gana Tuvalu Lomiga Lua ISAIA 9 Bible Online

ISAIA 9 - Te Tusi Tapu I Te Gana Tuvalu Lomiga Lua bible

ISAIA 9

¹ Ka seai eiloa se auala e mafai ei latou o sao mai i te taimi o te puapuaga tenei. A te laukele o matakaiga o Sepulona mo Nafatali ne fakaseaogagina i aso mua, kae i aso fakamuli ka takutakua te kogā fenua tenei, mai i te Metitilani o fano ki te saegala ki te fenua i te sua feitu o te Iolitana, ke oko foki eiloa ki Kalilaia, te koga e nofo ei a tino fakaatea.

² A tino ne olo sale i te pouliga, Ko matea nei ne latou te mainaga lasi. Ne nofo latou i te fenua o ata, Kae nei ko oko mai ki a latou te mainaga.

³Ne fakafiafia malosi ne koe latou; [16] Te Aliki; Ne fai ne koe latou ke fiafia. Ko oko eiloa i te fiafia o latou ona ko mea ne fai ne koe, e pela eiloa mo te fiafia o tino kola e kati te taukai saito a latou, Io me ko tino kola ko vaevae a koloa ne fao ne latou mai i fenua ne fakatakavale ne latou.

⁴Ne fati ne koe te amo tela ne amo ne latou mo te lakau tela e kini ei olotou tuauma. Ne fakatakavale ne koe te malo tela ne fakapuapuaga ne ia ou tino, Pela eiloa mo te fakatakavalega ne koe o te kautau a Mitiana i aso ko teka.

⁵A taka o tagata o te fili mo olotou gatu kola e toto ka sunu katoa i te afi.

⁶E isi se tamaliki ko fanau! Se tamaliki tagata tenei ko aumai ki a tatou! Ko ia ka fai mo takitaki o tatou. Ka fakaigoa a ia, “Fakaofoofogina”[17] Fautua,” “Atua Malosi,” “Tamana ki te se gata mai,” “Te Pelenise o te Filemu.”

⁷ A tena malosi fakatupu e gasolosolo eiloa o lasi; A tena malosi fakatupu e gasolosolo eiloa o lasi; A tena malo ka tumau faeloa i ei te filemu. Ka sui ne ia a te Tupu ko Tavita, kae ko tena pulega e fakavae ki mea tonu mo te faimeatonu, Mai te taimi nei ke oko atu ki te gataga o te lalolagi. A te Aliki Malosi, ko toka eiloa o fakataunu a mea katoa kona.

⁸Ko oti ne fakaoko mai ne te Atua te fakamasinoga ki te malo o Isalaelu, te gafa o Iakopo.

⁹A tino Isalaelu katoa, pela foki tino katoa kola e nofo i te fa'kai o Samalia, ka iloa ne latou me ko oti ne fai ne ia te mea tena. Nei, ko oko eiloa i te fakamatamata kae fiasili. E fai olotou muna penei,

¹⁰“A fale kola ne faite ki puliki ko siga ki lalo, kae nei ka sui ne matou ki fale e faite ki fatu. A utupoto mai i te lakau ko te sukamolo ko oti ne kati ki lalo, kae nei ka sui ne matou ki utupoto alasi.”

¹¹Ko oti ne fakaoso ne te Aliki a olotou fili,[18] ke faitaua mai ki a latou.

¹²A Sulia mai i te saegala mo Filisitia mai i te togala, ko fakamaga o la gutu o folo a Isalaelu. E ui i mea kona, kae e se gata eiloa te kaitaua o te Aliki; ka tumau faeloa te fola mai tena lima o fakasala Isalaelu.

¹³A tino Isalaelu e seki mafuli mai eiloa mai i olotou uiga masei; e ui eiloa ko oti ne fakasalagina latou ne te Aliki Malosi, kae e seki toe fuli mai eiloa latou ki a ia.

¹⁴Ka fakasala ne te Aliki a tino Isalaelu mo olotou takitaki i te aso e tasi, ka vae keatea ne ia a te ulu mo te velo.

¹⁵A te ulu ko toeaina mo tagata fakaaloalogina, ka ko te velo, ko pelofeta kola e akoako ne latou a akoakoga 'se!

¹⁶A tino kola ne takitaki ne latou a tino konei, ne taki 'se ne latou, kae fai ne latou ke numi valevale olotou mafaufau.

¹⁷Tela la, ka se talia eiloa ne te Aliki ke sao se tamataene, ka se alofa foki ki fafine ko mate olotou avaga, mo tamaliki seai ne matua, me i tino katoa ko se talitonu ki te Atua, kae fai amioga masei, mo muna foki a latou e fai, ne muna masei katoa. E ui i mea kona ka tupu, ka ko te kaitaua o te Aliki e se gata eiloa. Ka tumau faeloa te fola mai o tena lima o fakasala Isalaelu.

¹⁸A te amio masei o tino ko 'ka eiloa pela me se afi tela e sunu ei a vao makaikai mo lakau talatala. E 'ka eiloa pela me se afi i te vao tela e fanake i ei te au.

¹⁹Ona ko te Aliki Malosi ko kaitaua, a tena fakasalaga ka 'ka pela me se afi i loto i te fenua tela e ta fakapalele ei a tino, tela la, ko faitalia eiloa te tino i tena ola.

²⁰A tino i te fenua ko fakatau fao fua i mu meakai e maua ne latou, ka ko te fia'kai o latou e se mafai o gata. E kai foki eiloa ne latou olotou tamaliki!

²¹A tino o Manase mo tino o Efalaima e fakatau taua, kae oti aka, ko taua fakatasi atu ei ki tino o Iuta. E ui eiloa i mea kona e tupu, kae e se gata eiloa te kaitaua o te Aliki: e tumau eiloa te fola mai o tena lima o fakasala Isalaelu.