Read Te Tusi Tapu I Te Gana Tuvalu Lomiga Lua LEVITIKO 15 Bible Online

LEVITIKO 15 - Te Tusi Tapu I Te Gana Tuvalu Lomiga Lua bible

LEVITIKO 15

¹Konei a fakatonuga ne tuku mai ne te Aliki ki a Mose mo Alona

²mo tino Isalaelu. Kafai se tagata e isi se sua ne vau mai loto i tena foitino, a te sua tena e se 'ma,

³e pau eiloa me sali mai io me ko se sali mai.

⁴So se moega e sagasaga io me takato a ia i ei ka se 'ma.

⁵So se tino e patele ki tena moega

⁶io me e sagasaga i luga i so se mea ko oti ne sagasaga ki ei a te tagata tena, e tau a ia o fano o koukou kae 'ta faka'lei ona gatu, kae e tumau eiloa tena lailai ke oko eiloa ki te afiafi.

⁷So se tino e patele ki te tino tena e isi se sua se 'ma e vau mai i a ia, e tau o 'ta faka'lei ona gatu kae koukou, kae e tumau eiloa tena lailai ke oko ki te afiafi.

⁸Kafai se tino ne puaki ne te tagata se 'ma tena, e tau mo te tino tena ne puakigina o 'ta faka'lei ona gatu kae koukou, kae e se 'ma eiloa a ia ke oko ki te afiafi.

⁹So se nofoga e sagasaga ki ei te tagata tena ka se 'ma.

¹⁰So se tino e patele ki se mea ne sagasaga ki ei te tagata tena ka se 'ma a ia ke oko eiloa ki te afiafi. So se tino e amo ne ia se mea ne nofo ki ei a te tagata se 'ma tena, e tau mo ia o 'ta ona gatu kae koukou, kae e se 'ma eiloa a ia ke oko ki te afiafi.

¹¹Kafai e seki fulu a lima o te tagata ne sali tena sua, kae e patele atu ki se tino, e tau mo te tino tena o 'ta faka'lei ona gatu kae koukou, kae e se 'ma eiloa a ia ke oko ki te afiafi.

¹²So se 'tia fatu e patele ki ei te tagata tena e tau o foa; so se pola lakau e patele ki ei a te tagata tena e tau o fulu faka'lei.

¹³Kafai ko lei te tagata tena i tena masaki, e tau mo ia o fakatali i aso e fitu, ka oti aso e fitu ko 'ta ei ona gatu kae koukou i se vaipuna, tena ka 'ma ei a ia.

¹⁴I te valu o aso, ka ave ne ia se ava lupe io me se ava tamā lupe ki te faitaulaga i te mataloa o te Faleie o te Aliki.

¹⁵Ka ofo atu ne te faitaulaga te manu eva e tasi ke fai mo taulaga mo agasala, ka ko te sua manu eva mo fai te taulaga sunu. I te faiga tena, ka fai ei ne ia se sauniga mo te fakamaga o te tagata tena.

¹⁶Kafai se tagata ko sali ki tua tena sua tagata, e tau mo ia o koukou faka'lei, kae ka tumau eiloa tena se 'ma ke oko ki te afiafi.

¹⁷Kafai ne siu se laugatu io me se mea ne faite ki pakili manu i te sua tena, e tau te mea tena ke 'ta faka'lei, kae e se 'ma eiloa ke oko ki te afiafi.

¹⁸A te tagata mo te fafine e tau o koukou faka'lei manafai ko oti ne fakatasi, kae e se 'ma eiloa laua ke oko ki te afiafi.

¹⁹Kafai ko masaki a te fafine i te masaki o fafine, ka se 'ma a ia i aso e fitu. So se tino e patele ki ei ka se 'ma ke oko eiloa ki te afiafi.

²⁰So se mea e sagasaga io me takato ei a ia i aso e masaki ei a ia, ka se 'ma.

²¹So se tino e patele ki tena moega, io me patele ki se mea ne sagasaga ei a ia, e tau o 'ta ona gatu kae koukou, kae ka se 'ma eiloa a ia ke oko ki te afiafi.

²⁴Kafai se tagata e moe mo te fafine tena i aso e masaki ei a ia, ka se 'ma a ia i aso e fitu. So se moega e takato a ia ki ei ka se 'ma.

²⁵Kafai se fafine e fano tena sua i ne nai aso, kae se ko te taimi e masaki ei a ia i te masaki o fafine, io me ko te sua tena e tafe mai i tua o te taimi ne masaki ei a ia, ka se 'ma a ia i aso e fano ei tena sua, e pela eiloa manafai e maua a ia i te masaki o fafine.

²⁶So se moega e takato ei a ia, io me se mea e sagasaga ei a ia i te vaitaimi e fano ei tena sua, ka se 'ma.

²⁷So se tino e patele ki se mea i mea kona ka se 'ma, tela la, e tau mo ia o 'ta ona gatu kae koukou faka'lei; a ia e se 'ma eiloa ke oko ki te afiafi.

²⁸Kafai ko gata te fanoga o tena sua, ka fakatali a ia i aso e fitu, ka oti aso kona, ko 'ma ei a ia.

²⁹I te valu o aso, ka ave ne ia se āva lupe io me se ava tamā lupe ki te faitaulaga i te mataloa o te Faleie o te Aliki.

³⁰Ka ofo atu ne te faitaulaga te sua manu eva ke fai mo taulaga mo agasala, ka ko te sua manu eva ke fai mo taulaga sunu, ko te faiga tena e fai ei ne ia a te sauniga o te faka'maga o te fafine tena.

³¹Ne faipati atu a te Aliki ki a Mose ke polopoloki a tino Isalaelu e uiga ki feitu e lailai ei latou, ko te mea ke mo a e fakalailai ne latou a te Faleie o te Aliki, tela i te kogaloto o te fa'kai. Kafai e fakalailai ne latou, ko latou ka mate.

³²Kona a fakatonuga e uiga ki tagata kola e vau te sua mai olotou foitino,

³³e pela foki ki fafine kola e maua ne te masaki o fafine, io pela foki ki se tagata e moe mo se fafine e se 'ma.