Read Te Tusi Tapu I Te Gana Tuvalu Lomiga Lua LEVITIKO 2 Bible Online

LEVITIKO 2 - Te Tusi Tapu I Te Gana Tuvalu Lomiga Lua bible

LEVITIKO 2

¹Kafai e ofo atu ne se tagata ne saito, e 'tau o tuki muamua ne ia ke liu falaoa. E tau o ligi ne ia ki ei ne sinu olive mo ne mea fakama'nogi,

²ko avatu ei ki faitaulaga mai te laina o Alona. A te faitaulaga tela e fai ne ia te sauniga o te taulaga, ka ave ne ia ne mu falaoa mo mu sinu mo mea fakamanogi, kae sunu i luga i te fata-fai-taulaga, e iloa ei me ko oti ne ofo atu ki te Aliki. Ko te manogi o te taulaga meakai tena e fiafia ki ei te Aliki.

³A te toega o saito e puke ma faitaulaga; e tapu a meakai kona me ne aumai mai meakai kola ko oti ne ofo ki te Aliki.

⁴Kafai a te taulaga se falaoa ne tao ki te umu, e tau o seai se isi e palu ki ei. E tau se falaoa matolu kae palu mo te sinu olive, io me ne masi e nani ki sinu olive.

⁵Kafai a te taulaga se falaoa e tunu ki te fiti‐pāpā, e tau o palu ki te sinu olive kae seai se isi e palu ki ei.

⁶Kafai e tuku atu ke fai mo taulaga, e tau o tofitofi kae ligi atu ki ei te sinu.

⁷Kafai te taulaga se falaoa e falai ki te falai, e tau o fai fua ki te falaoa mo te sinu olive.

⁸Ke ave mo fai te taulaga ki te Aliki ka ke tuku atu ki te faitaulaga, tela ka ave ne ia ki te fata-fai-taulaga.

⁹Ka puke ne te faitaulaga se vaega mai i ei o sunu i luga i te fata-fai-taulaga ke fai mo fakailoga me ko oti katoa ne ofo atu ki te Aliki. Ko te manogi o te taulaga meakai tena e fiafia ki ei te Aliki.

¹⁰Ka ko te toega o taulaga e puke ma te faitaulaga, a mea kona e 'toe e 'malu me ne puke mai i meakai kola ko oti ne ofo atu ki te Aliki.

¹¹E tapu se taulaga saito e ofo atu ki te Aliki kae ne palu ki te isi; e se tau mo koe o fakaaoga se isi io me se hani ki meakai kola e ofo atu ki te Aliki.

¹²E tau foki o ofo atu ki te Aliki te saito muamua eiloa ne kati ne koe i tausaga takitasi, kae ke mo a e sunu i luga i te fata-fai-taulaga.

¹³Masaua o tuku ne masima ki luga i fuaga saito katoa kola e ofo atu ki te Aliki, me i te masima e fakamasaua ei te feagaiga a koutou mo te Atua. E tau o tuku ne koutou te masima ki luga i taulaga katoa a koutou.

¹⁴Kafai ko ofo ne koe ki te Aliki a tau saito muamua tela ne kati, e tau o ofo atu ki a ia ne saito ne tāo io mene saito ko oti ne tuki.

¹⁵Fakaopoopo atu ki ei ne sinu olive kae tuku atu ki ei ne mea fakamanogi.

¹⁶Ka sunu ne te faitaulaga a te vaega tena o te meakai mo te sinu, mo mea manogi, e iloa ei me se taulaga meakai ki te Aliki.