Read Te Tusi Tapu I Te Gana Tuvalu Lomiga Lua LEVITIKO 6 Bible Online

LEVITIKO 6 - Te Tusi Tapu I Te Gana Tuvalu Lomiga Lua bible

LEVITIKO 6

¹Konei a fakatonuga ne tuku atu ne te Aliki ki a Mose.

²E 'tau o ofo atu se taulaga, mafai se tino ne agasala ki te Aliki me ne ita ma fakafoki te tupe a te sua tino Isalaelu tela ne tuku i a ia io me ne kaisoa, io me ne fano o fakaloiloi te tagata tena,

³io me ne maua ne ia se mea a te sua tino ne galo, kae tauto eiloa me e se iloa ne ia.

⁴Kafai se tino ne agasala i te feitu tena, e tau eiloa o toe togi atu ne ia a te tupe ne maua ne ia i auala fakatogafiti. I te aso ko iloa ei i a ia ko agasala, e tau ei mo ia o togi atu ki te tino e a ia a mea, a te aofaki o mea ne puke ne ia, fakaopoopo mo te luasefulu pasene.

⁶E tau o aumai ne ia ki te faitaulaga se mamoe tagata io me se kouti tagata e seai se pona. A tena togi e pela eiloa mo te togi faka‐te‐malo.

⁷Ka ofo ne te faitaulaga a te taulaga mo te fakamagaloga o agasala a te tagata tena, tena ko magalo ei a ia.

⁸Ne fakatonu atu a te Aliki ki a Mose

⁹ke tuku atu ki a Alona mo ana tama tagata a fakatonuga konei e uiga ki te faiga o taulaga sunu. A te taulaga sunu e tau o tuku i luga i te fata-fai-taulaga i te po kātoa, ka ko te afi ke ka faeloa.

¹⁰Ko te faitaulaga, tela e pei ki tena gatu lino 'loa mo tena tivae lino, ka ave keatea ne ia a te lefu sinusinu i luga i te fata-fai-taulaga, o tuku ki te feitu o te fata-fai-taulaga.

¹¹Ka oti, ko tala ei ana gatu, ko fano ei o ave a te lefu ki se koga 'ma i faiga o tapuakiga, i tua o te fa'kai.

¹²A te afi i luga i te fata-fai-taulaga e tau o tausi ke kaa faeloa, kae ke mo a e mate. I taeao katoa, e tau o tuku atu ne te faitaulaga ne fafie ki luga i te fata-fai-taulaga, fakatoka faka'lei te taulaga‐sunu tela i ei, kae 'sunu te gako o te taulaga fakafetai.

¹³A te afi i luga i te fata-fai-taulaga e tau o tausi ke kaa faeloa, kae ke mo a e mate.

¹⁴Konei a faifaiga o taulaga saito mo vaega fuaga pena. Ko te faitaulaga mai i te gafa o Alona e tau o tuku atu ne ia a te taulaga saito ki te Aliki i mua o te fata-fai-taulaga.

¹⁵Ka puke ne ia ne mu falaoa mo sinu mo te mea fakamanogi, ko sunu ei i kona, e fakailoga ei me ko oti katoa ne ofo atu ki te Aliki.

¹⁶A te toega, ka kai ne faitaulaga. Ka tao te falaoa tena seai se isi e palu ki ei, ko kai ei i se koga tapu, i te koga fono i te Fale o te Aliki. Ko te Aliki ne tuku ne ia a te vaega tena o te taulaga meakai ma faitaulaga. E malu a mea kona, e pela eiloa mo mea ne fakaaoga i taulaga mō te fakamagaloga o agasala, mo taulaga e toe togi ei a te agasala.

¹⁸I taimi katoa fakamuli, a tagata i te gafa o Alona e kai ki mea kona, me ko te vaega tena o latou i meakai e ofo atu ki te Aliki. So se tino e patele ki taulaga meakai kona ka pakia a ia i te mana o meakai 'malu kona.

¹⁹Ne tuku atu foki ne te Aliki ki a Mose a fakatonuga konei,

²⁰mo te fakasopoga o se faitaulaga mai te gafa o Alona. I te aso e fakasopo ei a ia, e tau o ofo atu ne ia ki te Aliki e tasi te kilokalame o falaoa, (e pau te aofaki mo te taulaga saito i aso takitasi), e afā i te taeao kae afā i te afiafi.

²¹E tau te falaoa tena o palu fakatasi mo te sinu ko tunu ei i luga i te mea tunu falaoa; ka oti ko tofitofi ei, ko ofo atu ei ke fai mo taulaga saito. Ko tena manogi e fiafia ki ei te Aliki.

²²A te taulaga tenei e tau o fai faeloa ne tagata katoa i te gafa o Alona kola e galue i te tofi faitaulaga i taimi katoa fakamuli. E tau te taulaga tena o 'paku katoatoa me se taulaga ki te Aliki.

²³E seai se vaega o te taulaga saito tela e fai ne te faitaulaga e tau o kai; e tau o sunu katoa.

²⁴Ne fakatonu atu a te Aliki ki a Mose

²⁵ke tuku atu ki a Alona mo ana tama tagata a fakatonuga konei e uiga ki taulaga mo te fakamagaloga o agasala. A te manu e fakaaoga mo taulaga mo te fakamagaloga o agasala, e tau o ta i te feitu ki matu o te fata-fai-taulaga, te koga foki tela e ta ei a manu mo taulaga sunu. A te mea nei se taulaga tafasili i te 'malu.

²⁶A te faitaulaga e ta ne ia a te manu tena mo fai te taulaga, e tau o kai ne ia i se koga tapu i te koga fono i te Faleie o te Aliki.

²⁷So se tino io me so se mea e patele ki te kano o te manu ka pakia i te malu o te manu. Kafai so se gatu e pisia ne te toto o te manu tena, e tau ke ave o 'ta i se koga 'malu.

²⁸Kafai se ulo fatu ne tunu ei a kano o te manu, e tau ke foa, kae kafai se ulo fiti, e tau ke kana fakalei ko faka'ma ei ki vai.

²⁹So se tagata i te kaiga o faitaulaga e mafai o kai ki te taulaga 'malu tenei.

³⁰Kae kafai e isi ne toto o te manu ne ave ki loto i te Faleie o te Aliki, kae ne fakaaoga i te sauniga mo te fakamagaloga o agasala, e tau ke se kaigina te manu, kae ke sunu katoa.