Read Te Tusi Tapu I Te Gana Tuvalu Lomiga Lua IELEMIA 11 Bible Online

IELEMIA 11 - Te Tusi Tapu I Te Gana Tuvalu Lomiga Lua bible

IELEMIA 11

¹Muna a te Aliki ki a au,

²“Fakalogo mai ki tulafono o te feagaiga. Fai atu ki tino Iuta mo Ielusalema

³i au, te Aliki te Atua o Isalaelu, ko oti ne fakamalaia ne au so se tino tela e se fakalogo ki tulafono o te feagaiga.

⁴Ko te feagaiga tena tela ne fai ne au mo olotou tupuga i te taimi ne aumai ei ne au latou mai Aikupito, te fenua tela e pela me se ogaumu 'ka ulaula ki a latou. Au ne fai ki a latou ke faka'logo mai ki a au kae ke fai foki ne latou a mea katoa kola ne fakatonu atu ke fai ne latou. Au ne fai ki a latou me kafai e fakalogo latou, kae ka fai latou mo oku tino ka ko au ka fai mo Atua o latou.

⁵Tena la, ko tausi fakamaoni ei ne au a te tautoga a aku ne fai ki olotou tupuga me e avatu ne au mo latou a te fenua laukele ola tenei e nofo nei i ei latou.” Ne fai atu au penei, “Ko lei, te Aliki.”

⁶Tena, kae fai mai te Aliki penei, “Fano ki fa'kai o Iuta, pela foki ki auala o Ielusalema. Folafola atu taku fekau i kona, kae fai atu ki tino ke fakalogo fakalei ki tulafono o te feagaiga, kae ke tausi fakamaoni ki ei.

⁷I te taimi ne aumai ei ne au olotou tupuga mai i Aikupito, ne polopoloki eiloa ne au latou ke fakalogo mai ki a au, kae ne tumau eiloa o polopoloki sale ne au ke oko mai eiloa ki te aso tenei.

⁸Kae ne seki saga mai eiloa io me faka'logo mai, kae ne tumau eiloa i te loto makeke mo te amio masei. Ne fakatonu atu ne au latou ke tausi te feagaiga, kae ne ita ma fakalogo. Tena la, ne aumai ei ne au ki a latou a fakasalaga katoa kola e fakaasi mai i te feagaiga.”

⁹Tena, kae fai mai te Aliki ki a au penei, “A tino Iuta mo Ielusalema ko fai olotou fuafuaga masei o fakamasei au.

¹⁰Ko toe foki o fai a amioga masei kola ne fai sale ne olotou tupuga, ko tupuga kona o latou kola ne ita ma faka'logo mai ki aku muna. Ko toe 'fuli atu latou o tapuaki ki nisi atua. A Isalaelu mo Iuta ne ofa ne latou a te feagaiga tela ne fai ne au mo olotou tupuga.

¹¹Tela la, i te taimi nei, ko au, te Aliki, tenei ko fai atu ki a latou me ka aumai ne au te masei valevale ki a latou, kae ka se sao eiloa latou. Kafai ko tagi mai latou mo se fesoasoani, ka se fakalogo lele eiloa au ki a latou.

¹²Tena la, a tino Iuta mo Ielusalema ka olo o tagi atu ki atua kola e ofo sale ki ei olotou taulaga ke fesoasoani ki a latou. Ka se mafai ne atua kona o faka'sao latou manafai ko oko atu a te fakalavelave tena.

¹³A te uke o atua a tino Iuta, e pela eiloa mo te uke o olotou fa'kai. A te uke o fata-fai-taulaga ne faite ne tino Ielusalema ki te atua ko Paala mo ofo olotou taulaga ki a ia, e pela eiloa mo te uke o auala i te lotou fa'kai.

¹⁴Ielemia, sa talo mai ki a au, io me fakamolemole mai ke fakasao a tino kona. Kafai ko maua latou ne se fakalavelave, kae kalaga mai ki a au mo se fesoasoani, ka se fakalogo eiloa au ki a latou.”

¹⁵Muna a te Aliki, “A tino konei e alofa au ki ei ko fai ne latou a amioga ma'sei. Se a te fekau a latou i loto i toku Faletapu? I te lotou fakatau, e mafai ne latou o fakagata a mala i olotou tautoga[7] mo taulaga manu vae fa e fai? E mata e fiafia latou i mea kona?

¹⁶Ne fakaigoa ne au latou i taimi mua ki te lakau ko te olive tela e uke ona lau kae fonu i fuaga lakau gali; kae nei ka gulu atu au ki ei pela me se fatili kae sunu ona lau kae fatifati ona kaula.

¹⁷“Ko au, te Aliki Malosi, ne toki ne au a Isalaelu mo Iuta; kae nei ka aumai ne au te mala ki ei. A mala konei ka oko mai ki a latou, e pogai mai foki eiloa i olotou mea 'se ne fai. Ne fai ne latou au ke kaitaua me e fai olotou taulaga ki a Paala.”

¹⁸Ne fakaasi mai ne te Aliki ki a au a togafiti ma'sei a oku fili kola e taumafai o fai mai ki a au.

¹⁹Au pela me se tama mamoe fakalogo tela ka ave o tamate, kae e se iloa ne au i olotou fuafuaga masei kola e fai, e fai mai fua ki a au. E fai olotou muna penei, “O'mai ke na tamate ne tatou a te lakau tenei koi malosi;[8] ke na tamate ne tatou ko te mea ke se toe manatua a ia ne tino.”

²⁰Tena ne talo ei au penei, “Te Aliki Malosi, a koe se famasino fai mea tonu; e tofotofo ne koe mafaufauga mo loto o tino. Ko oti ne tuku atu ne au a taku mataupu ke fakatoka ne koe; tela la, avatu te taui e tau ki tino kona, e tusa mo togafiti a latou ne fai mai ki a au.”

²¹A tagata Anatota e manako ke tamate au, kae ne fai mai ki a au me e tamate ne latou a au manafai e tumau te folafola atu ne au a te fekau a te Aliki.

²²Tena la, ne fai mai ei a te Aliki Malosi ki a au penei, “Ka fakasala ne au latou! A olotou tamataene ka mate i te taua; a olotou tamaliki ka mate i te fiakai.

²³Ko oti ne fakamoe ne au te taimi e aumai ei te mala ki tino Anatota; kafai e oko mai te taimi tena, e seai eiloa se tino o latou e ola.”