Read Te Tusi Tapu I Te Gana Tuvalu Lomiga Lua IELEMIA 20 Bible Online

IELEMIA 20 - Te Tusi Tapu I Te Gana Tuvalu Lomiga Lua bible

IELEMIA 20

¹I te logoga a Pasula, te tama tagata a Imela, kae ko te ofisa pule o te Faletapu, i mea kola ne folafola ne au,

²ne fai tena fakatonuga ke ave au o kini kae 'sai ki filifili i tafa o te mataloa o Peniamina i te feitu ki luga, i te Faletapu.

³I te taeaoakega, i te tafataeao, i te talaga ne Pasula a au mai i taku saiga ki filifili, ne fai atu ei au ki a ia penei, “A koe seki fakaigoa ne te Aliki ki a Pasula. A te igoa ne tuku atu ne ia ki a koe ko ‘Fakamataku i koga katoa’.

⁴A te Aliki ne fai mai penei, ‘Ka fai ne au a koe mo mea fakamataku ki a koe eiloa, pela foki ki ou taugasoa, kae ka kilo ou mata i te taimi e tamate ei latou ne olotou fili ki pelu. Ka tuku atu ne au a tino Iuta katoa ke i lalo o te pulega a te tupu o Papelonia; ka ave fakapagota ne ia a nisi tino ki tena fenua, kae tamate a nisi tino.

⁵Ka fai foki ne au olotou fili ke 'fao malo ne latou a te maumea o te fa'kai tenei, kae puke a mea katoa i ei, e aofia foki i ei a koloa a tupu o Iuta, kae ave a mea katoa ki Papelonia.

⁶Ka ko koe, e Pasula, koe mo tou kaiga katoa ka ave fakapagota foki ki Papelonia. I kona ka mate koe kae tanu foki i kona, fakatasi mo ou taugasoa katoa kola ne fakaloiloi sāle ne koe.”’

⁷Te Aliki, ne fakatogafiti ne koe au, kae ne tosina eiloa au i tau togafiti. A koe e malosi atu i a au, kae ne fakatakavale foki ne koe au. A tino katoa e fakalili mai ki a au; e fakalili ne latou au i te aso kātoa.

⁸I so se taimi e faipati ei au, Au e tagi kae kalaga sāle eiloa ki luga penei, “Fakasaua! Ofa fakamasei!” Te Aliki, a tino e o'mai faeloa o fakaitaita Au kae fakalili mai au i taimi katoa me e folafola ne au tau fekau.

⁹Kae kafai e faipati au penei, “Ka fakapuli ne au a te Aliki kae se toe faipati i tena igoa,” tena la, ko tau fekau ka 'ka pēlā me se afi i loto i a au. E taumafai au o taofi i loto, kae e se mafai eiloa o taofi ne au.

¹⁰E lagona ne au a tino katoa e musumusu penei, “A te fakamataku ko i koga katoa! O'mai ke moli ne tatou a ia ki tino pule!” Ke oko foki eiloa ki taugasoa pili o oku e fakatalitali katoa ki te taimi e takavale ei au. E fai olotou muna penei, “E se taumate e mafai o fakatogafiti ne tatou, ko te mea ke 'poa ne tatou ke taui atu ei tena mea ne fai ki a tatou.”

¹¹Ka ko koe, e te Aliki, e kau i a au, koe e mafi kae malosi, tela la, a latou kola e o'mai o fakasaua a au ka se taunu te lotou mea e fai. Ka fakamasiasigina latou ki te se gata mai, me e se mafai o taunu te lotou fakamoemoega. Ka se mafai eiloa o puli te lotou masiasi.

¹²Te Aliki Malosi, e tofotofo ne koe a tino mo te fakamaoni; e iloa ne koe a mea i olotou loto mo olotou mafaufau. Tela la, ke taui aka eiloa ki oku fili e tusa mo mea a latou ne fai mai ki a au, me ko tuku atu ne au ke fakatoka ne koe a te mea e taumafai au ki ei.

¹³Usu pese ki te Aliki! Viki atu ki te Aliki! E fakasao ne ia a tino puapuaga mai i te malosi o tino amio masei.

¹⁴ Muna 'tuku atu te aso ne fanau ei au! Fakapuli atu te aso ne fanau mai ei au ne toku matua!

¹⁵Muna 'tuku atu te tagata tela ne fai ne ia toku tamana ke fiafia i te vauga mo tena tala penei, “Se tamaliki tagata! A tau tama se tagata!”

¹⁶Ke pela a ia mo fa'kai kola ne ofa ne te Aliki mo te se alofa. Ke lagona aka ne ia a te tagi o tino puapuaga i te taeao ka ko te leo o te pu o te taua i te tutonu,

¹⁷me ne seki tamate ne ia a au koi tuai au o fanau. E penei, a te moegatama o toku matua ko toku tanuga tena.

¹⁸Ai a ne fanau mai ei au? Ko te mea fua ke puapuaga kae fanoanoa au, ke iku toku ola i te masiasi?