Read Te Tusi Tapu I Te Gana Tuvalu Lomiga Lua IELEMIA 21 Bible Online

IELEMIA 21 - Te Tusi Tapu I Te Gana Tuvalu Lomiga Lua bible

IELEMIA 21

¹A te tupu o Iuta ko Setekaia ne uga mai ne ia ki a au a Pasula te tama tagata a Malakia, mo te faitaulaga ko Sefanaia te tama tagata a Maseia, mo te manako penei:

² “Fakamolemole, faipati aka ki te Aliki mō matou, me i te tupu o Papelonia ko Nepukanesa mo tena kautau ko nikoi ne latou a te fa'kai. E se taumate e fai ne te Aliki se vavega o fai malo Nepukanesa ke foki.”

³Tena ne faipati mai ei te Aliki ki a au, fai ei au ki tagata kola ne o'mai ki a au

⁴ke fai atu ki a Setekaia i te Aliki, te Atua o Isalaelu, ne fai mai penei, “Setekaia, ka fakatakavale ne au tau kautau tela e taua ki te tupu o Papelonia mo tena kautau. Ka fakaputu ne au a meatau a au sotia i te kogaloto o te fa'kai.

⁵Ka taua atu au ki a koe mo toku malosi katoa, toku kaitaua, toku saua mo toku kaitaua fakamataku.

⁶Ka tamate ne au a tino katoa konei e nofo i te fa'kai tenei; a tino fakatasi mo manu ka mate i se masaki masei.

⁷Ka ko koutou, otou ofisa, mo tino kona ne toe mai i te taua, te oge mo te famai, ka tuku atu ne au koutou ke puke fakapagota ne te Tupu ko Nepukanesa, pela foki ne otou fili kola e fia tamate ki a koutou. Ka tamate koutou ne Nepukanesa. E seai eiloa se tino o koutou e fakasao ne ia, io me alofa ki ei. Ko au, te Aliki, tena ne faipati atu.”

⁸Tena, ne faipati mai ei te Aliki ki a au ke fai atu au ki tino o te fenua penei, “Fakalogo mai! Au, te Aliki, ko tuku atu ne au ke filifili koutou i mea konei e lua: ko te auala tela e tau ki te ola, io me ko te auala e tau ki te mate.

⁹So se tino e nofo i te fa'kai ka mate i te taua, io me i te fiakai, io me i te famai. Ka ko latou kola e olo ki tua o fakamalalo ki te kau Papelonia kola e taua ki te lotou fa'kai, ka se mate. Ka manuia me ka fakasao olotou ola.

¹⁰Ko oti ne tonu i toku mafaufau me ka se fakasao eiloa ne au a te fa'kai tenei, kae e fakamasei eiloa ne au. Ka tuku atu ki te pulega a te tupu o Papelonia, kae ka sunu ne ia ke ii ki lalo i te laukele. Ko au, te Aliki, tena ne faipati atu.”

¹¹A te Aliki ne fai mai ki a au ke fai atu a te fekau tenei ki te kaiga tupu o Iuta, te gafa o Tavita: “Fakalogo mai ki a au, te Aliki, tenei e faipati atu. Onoono tonu ke tumau te faiga o te mea tonu i aso takitasi. Puipui te tino tela e fakaloiloigina mai i te tino tela e fakaloiloi ne ia a ia. Kafai e se fai ne koutou a te mea tena, ko tena uiga, a te masei tena e fai ne koutou ka fai ne ia toku kaitaua ke 'ka pela me se afi tela e se mafai o mate.

¹³Ielusalema, a koe e sagasaga [15] mai i luga o vanu, pela me se kaupapa tela e silia ki luga mo te koga laugatasi. Ka ko au ka taua atu ki a koe. A koe e fai mai me e seai se tino e mafai o to atu ki loto i ou pui.

¹⁴Ka ko au, ka fakasala ne au a koe ona ko au mea ne fai. Ka faka 'ka ne au tou palesi, kae ka sunu ne te afi a mea katoa i tafatafa o te palesi. Ko au, te Aliki, tena ne faipati atu.”