Read Te Tusi Tapu I Te Gana Tuvalu Lomiga Lua IELEMIA 24 Bible Online

IELEMIA 24 - Te Tusi Tapu I Te Gana Tuvalu Lomiga Lua bible

IELEMIA 24

¹ Ne fakaasi mai ne te Aliki ki a au e lua kete mati e tuku mai i mua o te Faletapu. (Ne tupu a te mea tenei mai i tua o te taimi ne ave fakapagota ei ne te tupu o Papelonia ko Nepukanesa a te tupu o Iuta ko Ieoiakini, te tama tagata a Ieoiakimo. Ne ave fakapagota ne ia mai i Ielusalema ki Papelonia, fakatasi mo takitaki o Iuta, tino apo i galuega mo tino ko masani i faiga o galuega.)

²A te kete muamua e tuku i ei a mati lei, kola e sulu vave; a te sua kete e tuku i ei a mati masei, kola ko se tau o kai.

³Tena kae fai mai te Aliki ki a au penei, “Ielemia, se a te mea e lavea ne koe?” Ne tali atu au penei, “Ne mati. A mati lei ko oko eiloa i te lei, ka ko mati masei e se fakatau eiloa i te masei, se tau eiloa o kai.”

⁴Tena ne fai mai ei te Aliki ki a au penei,

⁵“Au, te Aliki, te Atua o Isalaelu, e fakavasega ne au a tino kola ne ave ki Papelonia, e pau mo mati lei, kae ka fai fakalei eiloa ne au latou.

⁶Ka tausi fakalei ne au latou, kae toe fakafoki mai ki te fenua tenei. Ka atiake ne au latou, kae se ta fakamasei; ka toki fakalei ne au latou, kae se unu keatea.

⁷Ka fai ne au latou ke iloa ne latou i a au ko te Aliki. Tena la, ka fai latou mo oku tino, ka ko au ka fai mo Atua o latou, me ka toe foki mai latou ki a au mo olotou loto katoa.

⁸“Ka ko te tupu o Iuta ko Setekaia, mo ana ofisa, mo te toega o tino Ielusalema kola ne nofo i te fenua tenei io me ne olo ki Aikupito — ko au, te Aliki, ka fai ne au latou pela mo mati masei konei, kola ko se tau eiloa o kai.

⁹Ka aumai ne au se mala fakamataku ki a latou, ko te mea ke mataku a malo katoa o te lalolagi. A tino ka o'mai o fakalili latou, ka fai faifa'kata e uiga ki a latou, kae faka takalialia ki a latou, kae fakaaoga te lotou igoa e fai mo muna fakamalaia i so se koga e fakasalalau ei ne au ki ei latou.

¹⁰Ka aumai ne au te taua, te mate fiakai, mo famai ki a latou, ke oko eiloa ki te taimi e seai ei se tino o latou e toe i luga i te fenua tenei ne avatu ne au mo latou mo olotou tupuga.”