Read Te Tusi Tapu I Te Gana Tuvalu Lomiga Lua TAGIGA A IELEMIA 4 Bible Online

TAGIGA A IELEMIA 4 - Te Tusi Tapu I Te Gana Tuvalu Lomiga Lua bible

TAGIGA A IELEMIA 4

¹A omotou aulo malapulapu ko gasolo o se malapulapu; A fatu o te Faletapu ko tafola valevale i auala.

²A tamataene o Siona e pela eiloa me ne aulo i te taua ki a matou, Kae nei ko pela fua latou me ne tiā fatu se aoga.

³A te kuli vao fafine e atafai eiloa ki ana tama, Ka ko oku tino ko pela me ne ositelite, E se fai fakalei ki olotou tama.

⁴E tiaki fua ne latou olotou pepe ke mate i te fiakai mo te fiainu; A tamaliki ko olo sale fua o akai ki ne meakai, Kae seai se tino e avatu ne ia ki a latou.

⁵A tino kola ne masani o kai ki meakai 'lei Ko mate fua i auala i te fiakai; A tino kola ne tupu aka i se olaga maumea ko mate i te fiakai.

⁶ A oku tino ko silia atu te fakasalaga o latou i lo tino o Sotoma, Kola ne fakamalaia ne te Atua.

⁷A omotou pelenise[8] e tumau te 'ma e pela mo te kiona, Kae ko oko eiloa i te malosi 'lei.

⁸Nei ko tafola fua latou i auala, Olotou mata ko uli me ko mate; A olotou pakili, kola e malo pela me ne laupapa, Ko piki ki olotou ivi.

⁹A tino ne mate i te taua e lei atu i tino ne mate fakamuli, Kola ne mate eiloa i te fiakai, i te mea ko seai ne olotou meakai ke ola ei latou.

¹⁰ A te puapuaga ne oko mai ki oku tino ko oko eiloa i te fakamataku; A matua ko tunu foki eiloa olotou tama fakapalele ke kai.

¹¹Ne fakaoko mai ne te Aliki te katoaga o tena kaitaua; Ne faka'ka ne ia a te afi i Siona tela ne fakamasei ei Siona.

¹²E seai eiloa se tino i so se koga, ke oko foki eiloa ki takitaki o nisi malo E talitonu me mafai ne sose kautau o ulu ki loto i mataloa o Ielusalema.

¹³Kae ne tupu eiloa te mea tena i ana pelofeta ne agasala, Mo ona faitaulaga e agasala foki, Me ko latou ne pogai ei te 'mate o tino seai ne mea 'se a latou ne fai.

¹⁴A ona takitaki ko taka'kau sale fua i loto i auala e pela me ne tino 'kivi, Kae ko fonu fāka eiloa i toto, ko seai se tino e fia fakapatele ki a latou.

¹⁵Ne kalaga a tino penei, “Olo keatea! A koutou e lailai! Sa puke mai ki au!” Tena ne taka'kau atu eiloa latou mai te malo ki te sua malo Kae seai eiloa se tino ne tali lei ne ia a latou.

¹⁶A te Aliki ko se toe manako ki a latou, ko ia eiloa ne tuku tiaki atu ne ia latou. E se saga mai foki a ia ki omotou faitaulaga mo takitaki.

¹⁷Ne sala matou ki se fesoasoani ke oko eiloa ki te taimi ko Se maua ne matou o sala te fesoasoani tela e seki oko mai eiloa. Ne nofo fakatalitali atu eiloa matou ki se fesoasoani Mai te malo tela e se mafai o fesoasoani mai.

¹⁸A omotou fili e kilokilo mai faeloa ki a matou, Tela la ko se maua foki ne matou o olo sale i auala. Ko oko mai eiloa te gataga o omotou aso; Ko oko mai te gataga.

¹⁹E afuli ne latou matou, kae makini atu i aeto kola e fakase ifo mai luga i te lagi. Ne sala ne latou matou i luga i koga maluga; Kae ne puke faka'poi ne latou matou i loto i te toafa.

²⁰Ne puke fakapagota ne latou te pogai o te ola o matou, Ko te tupu tela ne filifili ne te Aliki, Ko ia tela ne fakamoemoe matou ki ei ke puipui ne ia matou mai omotou fili.

²¹Tino Etoma mo Usa, kata kae fiafia i te taimi tenei koi mafai ne koutou o fiafia pena. A te puapuaga e oko mai foki ki a koutou; E oko mai foki te taimi e takasese ei koutou kae nofo fuafua mo te masiasi.

²²Ko oti ne fita Siona i ana agasala; A te Aliki ko se toe taofi ne ia tatou i te tafeaga. Ka ko koe Etoma, ka fakasala koe ne te Aliki; Ka fakaasi ne te Aliki a tau agasala.