Read Te Tusi Tapu I Te Gana Tuvalu Lomiga Lua ESEKIELU 23 Bible Online

ESEKIELU 23 - Te Tusi Tapu I Te Gana Tuvalu Lomiga Lua bible

ESEKIELU 23

²ana muna, “Te tagata ola,” i te aso e tasi e isi se tautaina, ne tamafine e tokolua.

³I te taimi koi foliki ei laua i Aikupito, ne fai ei laua mo fafine tali tagata.

⁴A te tama matua e igoa ki a Oola[24][25] (ko Samalia tena), ka ko te tama foliki e igoa ki a Oolipa (ko Ielusalema tena). Ne avaga ne au te tokolua kona, kae ne isi eiloa aku tamaliki i a laua.

⁵E ui eiloa a Oola ko taku avaga, kae ne fai eiloa ona uiga tali tagata, kae ko oko eiloa i te manako ki ana fiafaiga mai i Asulia.

⁶A latou kona ne sotia e pei ki togiga lanu kulakula, ne tagata maluga, mo ofisa taua; a latou katoa ne ofisa o kautau i solofanua, e tinogali kae koi tamataene eiloa.

⁷A ia se fafine tali tagata ki ofisa Asulia katoa, ka ko te manako faka‐te‐foitino o ia ko taki ne ia a ia ke lailai i te tapuaki atu ki tupua o Asulia.

⁸Ne tumau eiloa tena tali tagata tela ne kamata i Aikupito, te koga ne kamata ei a ia o iloa tagata. Mai i te taimi koi foliki ei a ia, ne moe sale eiloa a ia mo tagata kae ne fai ne latou a ia pela me se fafine tali tagata.

⁹Tena la, ne tuku atu ei ne au a ia ki ana fiafaiga i Asulia kola e manako malosi a ia ki ei.

¹⁰Ne tapale ne latou ona gatu, puke ana tama tagata mo tama fafine, tamate ei ne latou a ia ki te pelu. A fafine i koga katoa ko fai olotou tala e uiga ki tena ikuga.

¹¹“Ka ko tena taina ko Oolipa, e ui eiloa ne lavea ne ia a mea kona, kae e silia atu tena fina lalolagi kae tali tagata i lo Oola.

¹²A ia tena e lasi foki tena manako ki tino maluga mo ofisa o Asulia — ko sotia i togiga gali — mo ofisa o kautau i solofanua, ne tamataene tinogali katoa.

¹³Ne lavea atu me ko oko eiloa i te masei o ia tena, ko silia atu i te masei i lo tena taina muamua.

¹⁴“Ne gasolosolo eiloa a ia o fai agasala. Ne lasi tena fiafia ki fakatusa o ofisa maluga o Papelonia kola e koli i pui kae vali ki te lanu kula, mo fusi laugatu i olotou taugasulu, mo pulou laugatu i olotou ulu.

¹⁵

¹⁶I te laveaga ne ia a fakatusa kona, ne manako malosi tena loto ki ei, tena ne uga ana avefekau mo ana fekau ki ei i Papelonia.

¹⁷A tino Papelonia ne o'mai o moe mo ia. Ne fakalailai ne latou a ia kae faivalevale a ia, tela la, ko gasolo a ia o takalialia i a latou.

¹⁸Ne fakaasi a ia i mata o tino ke iloa ne tino katoa i a ia se fafine tali tagata. Ko oko eiloa toku takalialia i a ia, e pela eiloa mo toku takalialia i tena taina.

¹⁹Ne gasolo eiloa o malosi tena olaga tali tagata, e pela eiloa mo ana faiga i aso koi foliki ei a ia, i te taimi ne tali tagata ei a ia i Aikupito.

²⁰Ne manako malosi a ia ki tagata fina fafine kae 'lasi olotou manakoga, kae fina pela me ne solofanua tagata.”

²¹(Oolipa, a koe e manako o toe fai au amioga masei kola ne agasala ei koe i tau folikiga i Aikupito, i kona ne tafao sale a tagata i ou mataū, kae ne galo foki i ei a tou tulaga tamafine.)

²²“Nei la, e Oolipa, konei aku muna ki a koe, ko au ko te Aliki Sili. A koe ko fiu i ou fiafaiga kona, kae ka fai ne au ke kaitaua atu ki a koe kae aumai ne au ke nikoi ne latou a koe.

²³Ka aumai ne au a tino Papelonia katoa, mo tino Kaletaia; ko tagata mai i Pelota, Soa, Koa mo tino Asulia katoa. Ka fakamaopoopo mai ne au a ofisa tamataene kae tinogali, ko ofisa maluga katoa mo ofisa maluga o kautau i solofanua.

²⁴Ka taua mai latou ki a koe mai i matu, i olotou kautau lasi, mo kaliota mo ka e teu ei olotou mea. Ka nikoi ne latou a koutou, mo olotou foitino e pulu ne talita mo pulou tau. Ka tuku atu ne au a koe ki a latou, kae ka fakamasino ne latou a koe i olotou tulafono eiloa.

²⁵Ona ko au e kaitaua ki a koe, tela la, ka tuku atu eiloa ne au a koe ke ta ne latou i te lotou kaitaua. Ka kati keatea ne latou tou isu mo ou taliga, kae tamate au tamaliki. Ao, ka puke ne latou au tama fafine mo tama tagata mai i a koe, kae ave o sunu ola.

²⁶Ka sae keatea ne latou ou gatu, kae puke ou teuga taua.

²⁷Ka fakagata ne au tou fina lalolagi pela foki au amioga mataga kola ne fai talu mai aso ne nofo ei koe i Aikupito. Ka se toe kilo koe ki se tupua, se toe mafaufau foki eiloa koe ki a Aikupito.”

²⁸Konei a muna a te Aliki Sili: “Ka tuku atu ne au a koe ki lima o tino kola e ita kae takalialia koe i ei.

²⁹Kae ona e se fiafia ki a koe, tena la, ka puke ne latou au mea katoa kola ne galue fita koe ke maua ne koe, kae ka nofo fuafua koe pela me se fafine tali tagata. Ko tou fina lalolagi mo tou tali tagata

³⁰ko ala ei o tupu a mea kona ki a koe. A koe se fafine tali tagata ki malo, kae fakalailai tou foitino i olotou tupua.

³¹A koe ne tautali i auala o tou taina, tela la, ka tuku atu foki ne au a te ipu o te fakasalaga tela ne tuku ki a ia, ke inu foki koe ki ei.”

³²Muna a te Aliki Sili, “A koe ka inu i te ipu a tou taina; Se ipu e lasi kae poko. A tino katoa ka ita kae fakalili atu ki a koe; A te ipu e fonu.

³³Ka fai ne ia koe ke kona kae fanoanoa, Ko te ipu o te mataku mo te masei valevale, Ko te ipu a tou taina ko Samalia.

³⁴Ka inu koe ki ei ke masa pakupaku, Kae ka saesae ou mataū ne matifiga o te ipu tena. Ko au, te Aliki Sili, tena ne faipati atu.”

³⁵Konei a muna a te Aliki Sili: “Ona ne puli i a koutou a au, kae fulitua mai koutou ki a au, ka puapuaga koutou i te otou fina lalolagi mo te otou tali tagata.”

³⁶Muna a te Aliki ki a au, “Te tagata ola, ko toka koe o fakamasino a Oola mo Oolipa? Fakaasi atu ki a laua a amioga mataga ne fai ne laua.

³⁷Ne mulilua kae tatino — ne moe mo tupua kae tamate a tamaliki tagata a aku i a laua. Ne ofo atu ne laua aku tama tagata ki olotou tupua.

³⁸E se kona fua a mea ne fai ne laua. Ne fakalailai ne laua te Faletapu kae soli te Sapati tela ne fakatapu ne au.

³⁹Ko te aso foki eiloa tena ne tamate ei ne laua aku tamaliki mo fai a taulaga ki tupua, ko te aso foki tena ne o'mai ei o solisoli toku Faletapu!

⁴⁰“E uga soko faeloa ne laua a avefekau ke kami atu a tagata mai i koga mao, kae ne olo atu eiloa a tagata. Ka koukou te tautaina kona, vali o la mata kae fakamau o la teuga taua.

⁴¹Ka sagasaga laua i se nofoga gali, mo te taipola e tuku i o la mua, e fonu i mea gali, e aofia ei a mea manogi mo sinu olive kola ne avatu ne au.

⁴²E lagona atu te leo o te vaitino e fiafia, se potukau tagata ne aumai mai i te toafa. Ne fakamau ne latou a taulima i lima o fafine kona, mo kalauna gali ki o la ulu.

⁴³Kae ne fai ake au penei me ko fai ne latou a te fafine tela ko logofiofio eiloa i te mulilua, ke fai mo fafine tali tagata.

⁴⁴Ko fokifoki faeloa latou ki fafine tali tagata kona. Ko toe foki atu latou ki a Oola mo Oolipa, ko fafine agasala.

⁴⁵Ka fakamalaia latou ne tagata amiotonu, i te agasala ko te mulilua mo te tatino, me ne mulilua mo olotou lima ko pisia i toto.”

⁴⁶Konei a muna a te Aliki Sili: “Aumai se vaitino ke fakamatakutaku aka latou kae fao olotou mea.

⁴⁷Tuku atu laua ke peipei ne tino ki fatu, kae ta ki pelu, o tamate a la tamaliki, kae sunu o la fale.

⁴⁸Ka fakagata ne au a te fai agasala i te fenua katoa, ke fai mo akoakoga ki fafine katoa ke se toe mulilua e pela mo te mea ne fai sale ne laua konei.

⁴⁹Ka ko koulua te tautaina — ka fakasala ne au koulua i o lua amioga masei mo o lua agasala i te tapuaki atu ki tupua. Tena la, ka iloa ei ne koulua i a au ko te Aliki Sili.”