Read Te Tusi Tapu I Te Gana Tuvalu Lomiga Lua ESEKIELU 26 Bible Online

ESEKIELU 26 - Te Tusi Tapu I Te Gana Tuvalu Lomiga Lua bible

ESEKIELU 26

¹ I te sefulutasi o tausaga o matou i te tafeaga, kae ne faipati mai te Aliki ki a au,

²ana muna, “Te tagata ola,” konei a mea kola e pakalaga fiafia sale ei a tino i te fa'kai o Tulo. E pakalaga penei, ‘Ielusalema ko masei valevale! A tena maumea ko seai! Ko se toe mafai ne ia o fakatau fai mo tatou! ’

³“Konei la aku muna e fai atu, ko au ko te Aliki Sili: Te fa'kai o Tulo, au ko tou fili. Ka aumai ne au a malo e uke ke taua atu ki a koe, kae ka o'mai e pela me ne galu o te tai.

⁴Ka ofa ne latou a pui o te otou fa'kai kae ofa ki lalo a taoa a koutou. Tena la, ko salu fakama ei ne au keatea a te pefu, kae toe mai fua ko te tina kaupapa eiloa.

⁵A tino Fai-ika ka tauaki olotou tili i luga i te kaupapa tena, i te koga tena e tu ei i te tai. Ko au, te Aliki Sili, tena ne faipati atu. A malo ka olo o fao mālo a koloa o Tulo,

⁶kae ka tamate ne latou ki olotou pelu a tino kola e nofo i ona fa'kai i luga i te fenua lasi o Tulo. Tena la, ka iloa ei ne Tulo i a au ko te Aliki.”

⁷Muna a te Aliki Sili, “Ka aumai ne au a te tupu takutakua eiloa i tupu katoa — ko Nepukanesa te tupu o Papelonia — ke taua mai ki Tulo. Ka vau a ia mai i matu mo tena kautau lasi, solofanua mo kaliota, mo sotia i solofanua.

⁸A tino kola e nofo i fa'kai i te motu lasi ka mate i te taua. A te fili ka keli ne latou a lua, fakatu a one, kae fai se pui ki talita o teke koe.

⁹Ka tuki ne latou ou pui ki mea tuki mataloa, kae ofa ki lalo ou taoa ki fiti lasi.

¹⁰A te pefu tela e fakagasue aka ne olotou solofanua ka ufi ne ia koe. A te leo o te toso mai o ka mo kaliota ne olotou solofanua, ka galulu ei ou pui i te taimi e ulu atu ei latou i mataloa o te fa'kai tena ko maofa.

¹¹A olotou tagata i solofanua ko tele i otou auala, kae tamate otou tino ki olotou pelu. A pou malosi a koutou ka siga katoa ki lalo i te laukele.

¹²A ou fili ka fakatau puke ne latou au koloa mo au mea taua. Ka tule ne latou ou pui ki lalo, kae ofa ou fale gali. Ka puke ne latou a fatu mo laupapa mo puliki masei, kae ave o pei ki te tai.

¹³ Ka fakagata ne au a otou usuga pese, kae fakafilemu a te leo o otou kitala.

¹⁴Ka fakatoe fua ne au se kaupapa tela e tauaki i ei a tili a tino Fai-ika. A te fa'kai ka se toe faite eiloa. Ko au, te Aliki Sili, tena ne faipati atu.”

¹⁵Konei a muna a te Aliki Sili ki te fa'kai o Tulo: “Kafai ko puke te otou fenua, a tino kola e nofo pili ki te tai ka mataku i te pakalaga mai o tino kola ko tamate.

¹⁶ A tupu katoa o malo kola e isi ne olotou vakamutu ka olo ifo mai i olotou nofogaaliki. Ka tapale keatea olotou gatu loa mo olotou gatu ne teuteu fakagaligali, kae sagasaga mo te polepole i lalo i te laukele. Ka se fakatau eiloa te lotou mataku i te ikuga ne oko ki a koe, tena ko se mafai ei o gata te lotou polepole.

¹⁷Ka usu ne latou te pese o te mate tenei ki a koe: A te fa'kai takutakua ko masei valevale! A ona vakamutu ko oti ne fue keatea mai i te tai.[29] A tino o te fa'kai tenei e pule ne latou a vasa, Kae fakamatakutaku ne latou a tino katoa kola e nofo pili ki te tai.

¹⁸Nei, i te aso tenei ko takavale ei a ia, A fenua ko polepole, Mo olotou tino ko poi i te fakamaseiga tena.”

¹⁹Muna a te Aliki Sili: “Ka fai ne au a koe ke masei valevale pela mo fa'kai kola ko maofa kae ko seai ne tino e nofo i ei. Ka fai ne au a koe ke lofia i te suatai o te moana poko.

²⁰Ka ave ifo ne au a koe ki te lalolagi o tino mate ke fakatasi koutou mo tino ne ola i aso taumua eiloa. Ka fai ne au koutou ke nofo i te lalolagi mai i lalo ifo o te laukele i koga maofa tumau, ke nofo tasi koutou mo tino mate. Tela la, a koe ka se toe nofogia ne tino, ka se toe ai sou tulaga i te lalolagi o tino ola.

²¹Ka fai ne au a koe mo akoakoga fakamataku ki tino, kae ka tena foki eiloa te gataga o koe. Ka sala a tino ki a koe, kae ka se mafai eiloa o maua ne latou a koe.” Ko te Aliki Sili tena ne faipati atu.