Read Te Tusi Tapu I Te Gana Tuvalu Lomiga Lua ESEKIELU 29 Bible Online

ESEKIELU 29 - Te Tusi Tapu I Te Gana Tuvalu Lomiga Lua bible

ESEKIELU 29

¹ I te po sefululua o te sefulu o masina, i te sefulu o tausaga o matou i te tafeaga, ne faipati mai te Aliki ki a au,

²ana muna, “Te tagata ola, fakamalaia atu te tupu o Aikupito. Fai atu ki ei i a ia mo te fenua katoa o Aikupito ka fakasala.

³Fai atu ki ei a muna a te Aliki Sili konei ki te tupu o Aikupito: koe te kolokolotaila fakamataku tena e takato i te vaitafe, au ko tou fili. Ne fai ake koe pela i te Naila e a koe, kae ne faite foki ne koe.[31]

⁴Ka fakalave ne au a te kafilo i tou kauvae kae fai a ika i tou vaitafe ke piki mau ki a koe. Tena la, ko futi aka ei koe ne au mai i te Naila, mo ika e piki mau ki tou foitino.

⁵Ka pei ne au a koe mo ika katoa kona ki loto i te toafa. Ka tiaki tou foitino i luga i te laukele kae ka tuku eiloa i kona se tanu. Ka tuku atu ne au tou foitino ke kai ma manu eva mo manu o te vao.

⁶ Tena la, ka iloa ei ne tino Aikupito katoa i a au ko te Aliki.” Muna a te Aliki, “A tino Isalaelu ne fakalagolago ki a koutou tino Aikupito ki se fesoasoani, ka ko koutou e pau eiloa mo se lakau vaivai.

⁷Kafai ko fakapale atu latou ki a koe, ko koe eiloa ko fati, pakia ei mo olotou afiga, tena ko migoi ei latou i olotou tua.[32]

⁸Nei, a au, te Aliki Sili, ko fai atu ki a koutou me ka aumai ne au a tagata ke ta ne latou koutou ki pelu, kae ka tamate ne latou otou tino mo otou manu.

⁹A Aikupito ka fai mo koga se aoga. Tena la, ka iloa ei ne koutou i a au ko te Aliki. “Ona ko koutou e fai mai i te Naila e a koutou, kae ne faite foki ne koutou,

¹⁰tela la, au ko fai atu i a au ko te otou fili kae ko te fili foki o te Naila. Ka fakaseaoga ne au a Aikupito, mai i te fa'kai o Mikitolo i matu ki te fa'kai o Asiuana i saute, ke oko atu eiloa ki te tuakoi o Sutana.[33]

¹¹E seai eiloa se tino ola io me se manu e toe fano i loto i te koga tena. E se toe ai se mea ola e toe nofo i kona i tausaga e fasefulu.

¹²Ka fai ne au a Aikupito ke fai mo fenua tafasili i te se aoga i te lalolagi. A fa'kai o Aikupito ka tu maofa eiloa pena i tausaga e fasefulu, e tafasili atu te fakamaseiga o fa'kai kona i lo so se fa'kai. Ka fai ne au a tino Aikupito ke sola o sala ne koga mo olotou nofo. Ka tele latou ki fenua katoa o nofo tasi mo tino o fenua kona.”

¹³Muna a te Aliki sili, “Kafai ko katoa te fasefulu tausaga, ko fakafoki mai ei ne au a tino Aikupito mai i fenua kola ne fakasalalau ne au ki ei latou,

¹⁴kae ka tuku atu ne au ke nofo i Aikupito ki saute, te fenua taumua eiloa o latou. I kona, ka fai latou mo malo vaivai,

¹⁵ko te toe malo vaivai eiloa i malo katoa, kae ka se toe pule eiloa ne latou a nisi malo. Ka fai ne au latou ke se takutakua, ke se mafai ne latou o toe lou mai se malo ki te mea e loto latou ki ei.

¹⁶A Isalaelu ka se toe fakana ki a latou mo se fesoasoani. A te ikuga o Aikupito ka fai mo mea e fakamasaua ei ki a Isalaelu a te se tonu o te fakalagolago o latou ki ei. Tena la, ka iloa ei ne Isalaelu i a au ko te Aliki Sili.”

¹⁷I te po muamua o te masina muamua i te luasefulu fitu o tausaga i te tafeaga, ne faipati mai te Aliki ki a au,

¹⁸ana muna, “Te tagata ola, a te tupu o Papelonia ko Nepukanesa ne taua atu ki Tulo. Ne fai ne ia ana sotia ke amo a amoga tafasili i te mafa, tena ko kana ei olotou ulu ne amoga mafa kona ke tula, mo olotou tuauma ko mafolefole valevale, kae e seai eiloa se mea lei ne maua ne te tupu io me ko tena kautau i olotou fitaga kona.

¹⁹Tela la, konei aku muna e fai atu: ka tuku atu ne au a te fenua o Aikupito ki te Tupu ko Nepukanesa. Ka puke kae fao malo ne ia a mea taua, kae ave ne ia a te maumea katoa o Aikupito ke fai mo togi o tena kautau.

²⁰Ka tuku atu ne au a Aikupito ki a ia, ko tena togi tena i ana galuega ne fai, me i tena kautau e galue mo oku. Ko au, te Aliki Sili, tena ne faipati atu.

²¹“Kafai ko tupu a te mea tena, kae ka fai ne au a Isalaelu ke malosi, kae ka tuku atu ne au a koe e Esekielu ke faipati atu koe i se koga e lagona ne tino katoa, ko te mea ke iloa ne latou i a au ko te Aliki.”