Read Te Tusi Tapu I Te Gana Tuvalu Lomiga Lua ESEKIELU 35 Bible Online

ESEKIELU 35 - Te Tusi Tapu I Te Gana Tuvalu Lomiga Lua bible

ESEKIELU 35

¹ A te Aliki ne faipati mai ki a au,

²ana muna, “Te tagata ola,” “muna toka atu a te fenua o Etoma.

³Fai atu ki tino aku muna konei: Mauga o Etoma, au ko te otou fili! Ka fai ne au a koe ke masei valevale.

⁴Ka fakamasei valevale ne au otou fa'kai Kae fakaseaoga te otou fenua; Tena la, ka iloa ei ne koutou i a au ko te Aliki.

⁵“A koe se fili masani eiloa o Isalaelu, kae ne tuku eiloa ne koe ke mate valevale a tino Isalaelu i te taimi ne puapuaga ei, te taimi o te fakasalaga fakaoti o ia i ana agasala.

⁶Tela la, ona ko au, te Aliki Sili, ko te Atua ola, a tou ikuga ko te mate, e se mafai eiloa koe o sao mai i ei. A koe ko agasala i te tatino,[38] kae ka tautali atu eiloa te tatino i ou tua.

⁷Ka fakamasei ne au a te fenua mauga o Etoma kae tamate a tino katoa kola e faimalaga i loto i ei.

⁸Ka fakafonu ne au a mauga i foitino o tino mate, ka ko foitino o tino ne mate i taua ka tafola i luga i mauga mo vanu.

⁹Ka fakaseaoga ne au a te otou fenua ki te se gata mai, kae ka se toe ai ne tino e toe nofo i otou fa'kai. Tena la, ka iloa ei ne koutou i a au ko te Aliki.

¹⁰“A koe e fai mai i te avā malo ko Iuta mo Isalaelu, fakatasi mo laukele o laua, e o koe, kae ka puke ne koe, e ui eiloa au, te Aliki, ko te lotou Atua.

¹¹Tela la, ona ko au, te Aliki Sili, ko te Atua ola, ka taui atu eiloa ne au ki a koutou e tusa mo te otou kaitaua, loto masei, mo te otou takalialia ki oku tino. Ka iloa ne latou me ko fakasala ne au koutou ona ko otou mea ne fai ki a latou.

¹²Tena la, ka iloa ne koutou i a au, te Aliki, ne lagona ne au otou muna e fai mo te se fiafia i mauga o Isalaelu ne fakaseaogagina kae ka fakamasei ne koutou.

¹³Ko oti ne lagona ne au a vaega muna fakamatamata a koutou e fai mo te teke mai ki a au.”

¹⁴Muna a te Aliki Sili, “Ka fakamasei malosi eiloa ne au a koe ko te mea ke fiafia te lalolagi i tou takavale,

¹⁵e pela eiloa mo tou fiafia i te fakamaseiga o Isalaelu, toku fenua tonu. A mauga o Seila, te fenua katoa o Etoma, ka fakamasei katoa. Tena la, ka iloa ei ne tino katoa i a au ko te Aliki.”