Read Te Tusi Tapu I Te Gana Tuvalu Lomiga Lua ESEKIELU 38 Bible Online

ESEKIELU 38 - Te Tusi Tapu I Te Gana Tuvalu Lomiga Lua bible

ESEKIELU 38

¹A te Aliki ne faipati mai ki a au,

² ana muna, “Te tagata ola, muna toka atu a Koka, te takitaki pule o malo o Meseko mo Tupalu i te fenua o Makoku. Muna toka atu a ia,

³kae fai atu ki a ia i a au, te Aliki Sili, ko tena fili.

⁴Ka fuli atu ne au a ia, fakamau a kafilo ki ana kauvae, kae toso keatea atu a ia mo ana kautau. A tena kautau, ko solofanua mo sotia e sopo i ei kae togiga, se kautau lasi eiloa; a sotia katoa e tofu mo talita mo pelu.

⁵E isi ne tagata mai i Pelesia, Sutana mo Lipia e 'kau mo ia, kae e tofu katoa foki mo talita mo pulou tau.

⁶A sotia katoa o te fenua o Komeli mo Peta Tokalama i matu e kau mo ia, pela foki a tagata mai i nisi malo.

⁷Fai ki ei ke fakatoka ana kautau ke toka lei.

⁸I ne tausaga e uke fakamuli, ka fakatonu ne au a ia ke fano o puke a te fenua tela ne fakafoki mai ana tino mai i malo e uke, kae ko uke tausaga ne nofo ei latou mo te saogalemu mai i taua. Ka taua atu a ia ki mauga o Isalaelu, kola ne masei valevale kae lavaki i tausaga e uke, kae nei ko nofo i ei a tino katoa i se olaga filemu.

⁹A ia tena mo tena kautau, mo malo katoa kona e kau i a ia ka taua atu ki te fenua tena pela me se afā, kae ufi te fenua pela me ufi ne se kaumana.”

¹⁰Konei a muna a te Aliki Sili ki a Koko: “Kafai e oko mai a te taimi tena, kae ka kamata koe o mafaufau ki se fuafuaga masei.

¹¹Ka mafaufau koe o taua atu ki te fenua vaivai tela e nofo filemu a tino i ei, i fa'kai e seai ne pui kae seai foki ne mea mo 'pulu mai i te fili.

¹²Ka ta ne koutou a tino kae 'fao mālo olotou mea, ko tino kona kola ne nofo i fa'kai kola ne maofa muamua. Ko oti ne fakamaopoopo mai latou mai i malo, kae nei ko isi ne lotou manu fagai mo laukele, kae e nofo i maga ala o te lalolagi.

¹³A tino o Seepa mo Titana mo tino fai koloa mai i fa'kai o Sepania ka fesili atu penei, ‘E a, ko oti ne fakamaopoopo tau kautau kae taua atu ke 'fao mālo ne koutou a olotou kola? A koe e mafaufau ke puke ne koe a siliva mo aulo, pulumakau mo laukele, kae ke fano koe mo mea katoa kona?’”

¹⁴Tena ne uga ei au ne te Aliki Sili ke fai ki a Koka a muna a ia ki ei: “Nei, koi nofo a toku fenua i se olaga filemu, a koe ka malaga atu [41]

¹⁵mai i tou fenua i matu, o taki tau kautau lasi kae malosi kola ne sotia mai i malo e uke, a latou katoa kona e sopo i solofanua.

¹⁶Ka ta ne koutou toku fenua ko Isalaelu e pela me se afā tela e agi i luga i te fenua. Kafai ko oko mai te taimi tonu, ko uga ei ne au a koe ke fano o taua ki toku fenua ko te mea ke lavea ne malo me ko oi au, ke fakaasi ei toku malu i taku mea tena e fai e auala i a koe.

¹⁷Ko koe te tino tela ne faipati sale ne au i aso mua, i te taimi ne folafola ei ne au e auala i aku tavini ko pelofeta o Isalaelu, me i aso mai mua nei, kae ka aumai ne au se tino ke taua mai ki Isalaelu.” Ko te Aliki Sili tena ne faipati atu.

¹⁸Muna a te Aliki Sili, “I te aso e taua atu ei a Koka ki Isalaelu, kae ka kaitaua ei au.

¹⁹Ko fakailoa atu ne au i toku kaitaua me i te aso tena, ka isi se mafuie fakamataku i te fenua o Isalaelu.

²⁰A ika mo manu eva katoa, a manu vae fa katoa, manu lasi mo manu foliki, mo tino katoa i te lalolagi ka polepole i te mataku ki a au. A mauga ka siga, kaupapa ka malakulaku, mo pui katoa ka maofa katoa.

²¹Ka fakamatakutaku ne au a Koka ki vaega puapuaga valevale. Ko au, te Aliki Sili, tena ne faipati atu. A tena kau ka fakatau taua eiloa ki olotou pelu.

²²Ka fakasala ne au a ia ki famai mo te fakamaligi toto. A vaiua lōtu mo vaiua fatu, fakatasi mo te afi mo pauta ka, ka to ifo ki luga i a ia mo tena kautau, mo malo katoa kola e kau mo ia.

²³I te faiga tena e fakaasi ei ne au ki malo katoa kona i au e takutakua kae malu. Ka iloa ei ne latou i a au ko te Aliki.”