Read Te Tusi Tapu I Te Gana Tuvalu Lomiga Lua ESEKIELU 9 Bible Online

ESEKIELU 9 - Te Tusi Tapu I Te Gana Tuvalu Lomiga Lua bible

ESEKIELU 9

¹Tena kae lagona ne au a te Atua e kalaga penei, “O'mai, koutou tagata kona ka olo o fakasala a te fa'kai. O'mai mo otou meatau.”

²I kona eiloa, ko tagata eiloa e tokoono ko ulu mai mai i te mataloa ki tua i te feitu ki matu o te Faletapu, e tofu eiloa mo olotou meatau. E isi se tagata e vau i a latou e pei ki gatu lino, kae pukepuke mai ne ia te mea tusitusi. Ne o'mai katoa latou kona, tu mai i tafa o te fata-fai-taulaga palasi.

³Tena, ko te mainaga eiloa o te Atua o Isalaelu ko fanake mai i kelupi,[12] te koga ne nofo i ei, o fano ki te mataloa o te Faletapu. Ne kalaga atu te Atua ki te tino tela e pei ki gatu lino penei,

⁴ “Fano i loto i te fa'kai o Ielusalema, kae fakamau atu se fakailoga ki lae o tino katoa kola ko oko eiloa i te fanoanoa kae mafatia ona ko amioga mataga katoa kola ne fai i te fa'kai.”

⁵Ne lagona ne au te Atua e fai ki nisi tagata penei, “Tautali atu i a ia i loto i te fa'kai, kae ta a tino. Sa fakasaogina se tino; sa alofa ki se tino.

⁶Tamate a toeaina, tamataene, tamafine, matua, mo tamaliki. Kae sa tagina a tino kola e mau te fakailoga i olotou lae. Nofo i konei, i te Faletapu.” Tena, ne kamata ei te taga a latou, e kamata i takitaki kola ne tu i te Faletapu.

⁷Muna a te Atua ki a latou, “Fakalailaigina te Faletapu. Fakafonu ona potu fono ki foitino mate. Gasue o fai te galuega!” Tena ne kamata ei latou o tamate a tino i te fa'kai.[13]

⁸I te taimi o te 'taga o tino, ka ko au e nofo tokotasi eiloa i kona. Ne fakasiga ifo au ki lalo i te laukele mo oku mata e fuli ki lalo, kae kalaga au penei, “Te Aliki Sili, a koe e kaitaua malosi eiloa ki Ielusalema, tena ka tamate eiloa ne koe a tino katoa kona e toe i Isalaelu?”

⁹Ne tali mai te Atua penei, “A tino Isalaelu mo tino Iuta e se i agasala tafasili i te masei. Ne tatino latou i luga i te fenua, kae fakafonu Ielusalema i amioga masei. E fai olotou muna i a au, te Aliki, ko oti ne tiakina ne au te lotou fenua, kae se lavea ne au latou.

¹⁰Ka se alofa eiloa au ki a latou; ka fai ne au ki a latou a te mea ne fai ne latou ki nisi tino.”

¹¹Tena, ne foki atu te tagata tela e pei ki gatu lino ki te Aliki, kae fai atu penei, “Ko oti ne fakataunu ne au tau fakatonuga.”