Read Te Tusi Tapu I Te Gana Tuvalu Lomiga Lua TANIELU 12 Bible Online

TANIELU 12 - Te Tusi Tapu I Te Gana Tuvalu Lomiga Lua bible

TANIELU 12

¹ Muna a te agelu tela e pei ki gatu lino penei, “I te taimi tena, kae ka sae mai a te agelu sili ko Mikaeli tela e tausi ne ia tou fenua. Tena, kae ka oko mai te taimi o fakalavelave, ko te toe taimi masei eiloa talu mai te taimi ne kamata ei o mafua mai a malo. Kafai e oko mai a te taimi tena, a tino katoa o tou malo kola e tusi olotou igoa i te tusi a te Atua ka sao.

² E tokouke eiloa a tino ko oti ne mate ka toe ola: a nisi tino ka nofo fiafia i te olaga o te manuia e se gata mai, ka ko nisi ka puapuaga i te puapuaga se gata mai.

³A takitaki poto ka maina mai e pela mo te 'pula o te lagi. Ka ko tino kola ne akoako ne latou a tino ki te mea tonu ka maina mai e pela mo fetu ki te se gata mai.”

⁴ Muna a ia ki a au, “Kae nei, Tanielu, pono te tusi kae fakamau te fakailoga ki ei ke oko ki te gataga o te lalolagi. I te taimi tena, ka tokouke a tino ka maumau olotou fi'taga i te taumafaiga ke malamalama latou i mea e tupu.”

⁵Tena, kae lavea ne au e tokolua tagata e tu mai i kaugutu takitasi o te vaitafe.

⁶Ne fesili atu e tokotasi o laua ki te agelu tela e tu tai mao atu ki luga i te vaitafe penei, “E gata afea a mea fakaofoofogia konei e tupu?”

⁷ Ne sisi ake te ava lima o te agelu ki luga i te lagi kae fai tena tautoga i te igoa o te Atua Ola. Ne lagona atu ne au ana muna penei, “E tolu mo te afa tausaga. Kafai ko gata te fakapuapuaga o te fenua o te Atua, ka ko mea kona ko leva ne tau o tupu.”

⁸Ne lagona ne au au muna ne fai, ka ko au e se malamalama i ei. Tena ne fesili atu ei au penei, “Tou malu, e gata afea a mea katoa kona?”

⁹Ne tali mai a ia penei, “Tanielu, ko tau nei koe o fano, me i muna konei ne muna e funa ke oko ki te taimi o te gataga.

¹⁰ Ka tokouke a tino ka faka'ma i feitu fakatapuakiga. A tino amio ma'sei ka se malamalama, kae ka tumau faeloa olotou amioga ma'sei; ko tino poto fua e malamalama i ei.

¹¹ “Mai te taimi o te fakagataga o taulaga i aso takitasi, tela ko te taimi o te Mea Fakamataku, ka ko tusa ei mo te 1290 aso ko oti ne teka.

¹²Amutia latou kola e tumau i te fakamaoni ke oko eiloa ki te taimi e katoa ei a aso e afe toluselau tolusefulu lima!

¹³“Ka ko koe e Tanielu, ke tumau eiloa tou fakamaoni ke oko ki te gataga. Ka mate koe, kae ka toetu mai koe o puke te taui lei o koe i te taimi o te gataga.”