Read Te Tusi Tapu I Te Gana Tuvalu Lomiga Lua TANIELU 7 Bible Online

TANIELU 7 - Te Tusi Tapu I Te Gana Tuvalu Lomiga Lua bible

TANIELU 7

¹I te tausaga muamua o te nofoaiga a Pelesala i Papelonia, kae fai taku moemiti, lavea ei ne au te fakaasiga ne oko mai ki a au i te po. Ne tusi ki lalo ne au taku moemiti, kae tenei la te tala o te mea ne lavea ne au i te po tena.

²A te matagi e agi mai mai feitu katoa, kae fakagasue ne ia te moana.

³ E fa manu fekai ne sae aka mai te moana, e kesekese katoa olotou foliga.

⁴ A te manu muamua e pela me se leona kae e isi ne ona kapakau pela mo kapakau o te aeto. I te taimi ne kilokilo atu ei au, ko kapakau eiloa ko to keatea. Ne masagi aka te manu tena, tu eiloa pela me se tino. Tena kae avatu ki a ia te mafaufau o te tino.

⁵A te lua o manu e pela me se ulosa e tu i ona vae tua. E tolu ivi kasokaso e mau i tena gutu, kae lagona ne au te leo e fai ki ei penei, “Ke mau, kai a kano manu ki te mea e mafai ne koe o kai!”

⁶I te taimi ne onoono atu ei au kae toe sae aka te sua manu, e pela eiloa me se lepoti, kae e fa kapakau e tu i tena tua e pela eiloa mo kapakau o se manu eva, kae e fa ona ulu. E foliga mai pela me e nofo i a ia a te pule.

⁷ Ne toe sae aka foki te fa o manu, ko oko eiloa i te mata mafi kae fakafoufou kae fakamataku. E u ne ia a manu ki tena nifo fiti, ka oti ko lakalaka ei ne ia. E kese mo nisi manu fekai, me e sefulu ona sau.

⁸ Ne kilokilo atu au ki ona sau, kae lavea ne au se sau foliki e fanake i te va o nisi sau. Ne fanake te sau tena, ofa ei ne ia e tolu sau kola ko leva ne tu i kona. A te sau tena e isi ne ona mata penei mo mata o tino, mo tena gutu e fai muna fakamatamata.

⁹ Ne kilokilo atu eiloa au, lavea atu eiloa ne au a nofogaaliki ko aumai o tuku i olotou koga. A ia tela e ola ki te se gata mai e sagasaga i te nofogaaliki e tasi. A ona gatu ko kena pela mo te kiona, ka ko ona laulu pela eiloa mo vulu gali. A tena nofogaaliki e tu i luga i te kaliota afi,

¹⁰ mo te ulafaga afi e vau mai ei. E fia afe o tino e tavini ki a ia, kae fia miliona e tu i ona mua. Ne kamata te fono tena, mo tusi ko fola atu i olotou mua.

¹¹Ne kilokilo atu eiloa au, kae koi lagona eiloa ne au te leo fakamatamata o te sau foliki. Ne kilo atu au, matea ne au te fa o manu fekai ko tamate kae pei tena foitino ki te afi.

¹²A nisi manu fekai ko oti ne fao malo olotou malosi mai a latou, kae ko tuku fua ke ola i se taimi toetoe.

¹³ I te fakaasiga tena i te po tena, ne lavea ne au se mea pela me se tino ola. Ko lavea atu ne au a ia e fakatamilo ne kaumana, kae ne fanatu ki a ia tela e ola ki te se gata mai, tena ne taki atu ei ki ona mua.

¹⁴ Ne avatu ki a ia te pule, te fakaaloalo, mo te malu faka tupu, ko te mea ke tavini atu ki a ia a tino katoa o malo katoa mo gana kesekese. A tena pule ka tumau ki te se gata mai, mo tena malo ka se toe gata mai.

¹⁵A fakaasiga ne lavea ne au ko oko eiloa i te fakapoi ki a au, kae ko se toka faka eiloa toku loto.

¹⁶Ne fanatu au ki te tokotasi mai a latou kola e tu mai i kona, ke fakamatala mai a uiga o fakaasiga kona. Tena ne taku mai ei ne ia a te uiga.

¹⁷Muna a ia,“A manu fekai kona e fa ko malo e fa kola ka 'tu aka i te lalolagi.

¹⁸ Ka ko tino o te Atua Maluga ka maua ne latou te malosi faka tupu kae ka tumau i a latou ki te se gata mai, se gata mai eiloa.”

¹⁹Ne manako au ke iloa faka'lei aka ne au a te fa o manu fekai tela e kese eiloa mai nisi manu fe'kai — se manu fekai fakamataku tela e 'ta ne ia nisi manu ki ana ma'nia palasi mo nifo fiti, ka oti ko lakalaka ei ne ia.

²⁰Ne manako au ke iloa ne au a sau o ia e sefulu i tena ulu mo te sau ei tela ne fatoa tupu aka, tela ne ofa ne ia a nisi sau e tolu. E isi ne ona mata mo tena gutu tela e lau mai a muna fakamatamata. E silia atu te fakamataku o te manu fekai tenei ki nisi manu fekai.

²¹ I te taimi ne kilokilo atu ei au, ne faitaua atu te sau tena ki tino o te Atua, fakatakavale eiloa ne ia latou.

²² Tena kae vau a ia tela e ola ki te se gata mai o fai te fakamasinoga tela ne manumalo ei[7] a tino o te Atua Maluga, ko oko mai nei te taimi ko tau ei o maua ne tino o te Atua a te malosi faka‐tupu.

²³Tenei la te fakamatalaga ne fakaasi mai ki a au: “A te fa o manu fekai ko te fa o malo takutakua tena i te lalolagi, kae ka kese eiloa mo nisi malo aka. Ka nutipala ne ia te lalolagi katoa kae lakalaka ne ia ki lalo i te laukele.

²⁴ A sau o ia kola e sefulu, ko tupu e tinogafulu o te malo tena. Ka tu mai se tupu o te malo tena e tokotasi; ka kese eiloa mo nisi tupu mai ona mua, kae ka fakatakavale ne ia a nisi tupu e tokotolu.

²⁵ Ka faipati teke a ia ki te Atua Maluga, kae fakapuapuaga ne ia a tino o te Atua. Ka taumafai a ia o fuli a tulafono mo fakatonuga o te lotou lotu, pela foki a aso fakamanatu a latou. A tino o te Atua ka i lalo o tena malosi i tausaga e tolu mo te afā.

²⁶Tena, kae ka fai te fono faka‐te‐lagi, ka ave keatea ei tena malosi, kae ta fakamasei eiloa.

²⁷ A te malosi mo te takutakua o malo katoa i te lalolagi ka tuku atu ki tino o te Atua maluga. A te malosi faka‐tupu o latou ka se toe gata mai, ka ko takitaki katoa i te lalolagi ka tavini kae faka'logo ki a ia.”

²⁸Tenei te gataga o te tala o taku moemiti. Au ko oko eiloa i te mataku tela ko lau'tea faaka eiloa au, kae ne tausi eiloa i toku loto a mea kona ne fakaasi mai ki a au.