Read Te Tusi Tapu I Te Gana Tuvalu Lomiga Lua HOSEA 4 Bible Online

HOSEA 4 - Te Tusi Tapu I Te Gana Tuvalu Lomiga Lua bible

HOSEA 4

¹E isi se molimau a te Aliki ki te se lei o tino kola e nofo i te fenua tenei. Isalaelu, faka'logo mai ki ana pati: “Ko galo te loto fakamaoni mo te alofa i tino o te fenua tenei, ka ko se taku foki ne latou a au ko te Atua.

²E fai olotou feagaiga kae toe ofa foki ne latou; e amio pelo, e tatino, e kaisoa kae mulilua. A amioga masei ko gasolo o uke, ka ko te tatino ko soko eiloa.

³Tela la, te fenua ka oge vai, ka ko mea ola katoa i ei ka mate. A manu vae fa katoa mo manu eva, pela foki mo ika ka mate.”

⁴Muna a te Aliki, “Ke mo a se tino e lou ne ia me ko te 'se o tino, io me ita ki a latou; a toku se malie e fakasino fua ki a koutou faitaulaga. [10]

⁵A koutou ko se fakamaoni o taki faka'lei a tino, e pena foki a pelofeta. Ka fakamasei ne au a te otou matua ko Isalaelu.

⁶A toku fenua ka malaia me e se iloa ne latou a au. A koutou faitaulaga ko oti ne se talia ne koutou a au, e pela foki mo aku akoakoga, tela la, ka fakaseaoga foki ne au a koutou, kae ka se talia foki ne au a otou tamaliki ke fai mo aku faitaulaga.

⁷“Ko te tokouke o koutou faitaulaga, ko te uke foki o agasala a koutou ki a au, tela la, ka fuli ne au te 'malu o koutou ki te masiasi.

⁸E lasi te maumea o koutou e maua mai agasala a oku tino, tela la, e ma'nako faeloa koutou ke fai faeloa ne latou a agasala.

⁹Ka fakasala koutou e pela eiloa mo tino katoa! Ka fakasala ne au a koutou kae taui atu ki a koutou e pela eiloa mo amioga se 'lei kola ne fai ne koutou.

¹⁰Ka kai koutou ki te vaega e maua ne koutou mai taulaga, kae ka tumau eiloa te otou fia'kai. Ka mulilua koutou ki fafine tali tagata ke maua ne otou tamaliki, kae ka tumau eiloa te seai o ne otou tamaliki, me ko oti koutou ne fulitua mai ki a au o tapuaki atu ki nisi atua.”

¹¹Muna a te Aliki, “A mafaufau o oku tino ko ma'sei ne fai ne uaina fou mo uaina ko leva!

¹²Ko ka'laga latou ki potukau ke maua ne fakaasiga! E fakailoa atu ne potulakau ki a latou a mea e tau o iloa ne latou! Ko oti ne tiakina ne latou a au. E pela me se fafine ko tuku atu a ia ke fai mo fafine tali tagata, e pena foki latou me ko tautali i nisi atua.

¹³E fai olotou taulaga i koga tapu i luga i taulu o mauga; e sunu olotou taulaga ma'nogi i malumalūga i ei! “Mai i te ma'sei o koutou, a otou tamaliki fafine ko fai mo fafine tali tagata i fale tapuaki, ka ko avaga a otou tamaliki tagata ko mulilua.

¹⁴Ka se fakasala ne au a latou, me i a koutou foki e olo sale mo fafine tali tagata:[11] E pela mo muna a te poto, ‘A tino e seai ne mafaufau e tau o fakamalaia.’

¹⁵“E ui eiloa i a koutou tino Isalaelu e se fakamaoni mai ki a au, ka ko Iuta ke moa e agasala i te mea tena. Sa tapuaki i Kilikala io me i Peteli, [12] io me fai au tautoga i kona i te igoa o te Aliki ola.

¹⁶A tino Isalaelu ko oko eiloa i te lotoma'keke e pela me ne miula. E fagai pefea ne au a latou e pela me ne mamoe i se vao mouku?

¹⁷A tino Isalaelu ko i lalo i te pulega a tupua. Faitalia atu latou i te koga e olo latou ki ei.

¹⁸Ka oti aka latou ne inu malosi ki uaina ko fai olotou fiafiaga o fai amioga ma'sei; e fia'fia atu ki te masiasi i lo te fakaaloalogina.

¹⁹A olotou mafaufau ko tuku atu eiloa ki te fiafiaga e pela me se mea e agina i te matagi, kae ka masiasi latou i olotou taulaga fapau'pau.