Read Te Tusi Tapu I Te Gana Tuvalu Lomiga Lua HOSEA 5 Bible Online

HOSEA 5 - Te Tusi Tapu I Te Gana Tuvalu Lomiga Lua bible

HOSEA 5

¹“Faka'logo mai ki te mea tenei, koutou faitaulaga! Faka'logo mai koutou tino Isalaelu! Faka'logo mai koutou kola i te kaigā tupu! Ne tau mo koutou o fakamasino mo te fai mea tonu, tela la, a te fakamasinoga ka pakū atu ki luga i a koutou! Ko oti ne fai koutou me se malei i Mesepa, pela me se tili e fola i luga i te Mauga o Tapola,

²pela foki me se lua poko i te fa'kai ko Akasia, kae ka fakasala ne au a koutou katoa.

³E iloa faka'lei ne au a Isalaelu, e se mafai ne ia o muni mai i a au. Ko oti a ia ne se fakamaoni, tela la, e se tau mo ona tino o tapuaki mai ki a au.”

⁴A te agasala masei tela ne fai ne tino ko fai ne ia a latou ke se toe foki atu ki te lotou Atua. E lasi te malosi o tapuakiga ki tupua i a latou, tela la, ko se talia ei ne latou a te Aliki.

⁵Ko te fakamata'mata o tino Isalaelu tela ko malaia ei latou. Ko agasala a latou tela ko siga ei latou, kae ko paku fakatasi atu foki a tino Iuta mo latou.

⁶E ave ne latou a olotou mamoe mo pulumakau o ofo atu ki te Aliki, kae e seai se lei o latou e maua mai i ei. Ko se toe maua ne latou a te Aliki me ko oti ne fano keatea mai i a latou.

⁷Ko oti latou ne se fakamaoni ki te Aliki; a olotou tamaliki ko se taku me i a te Aliki. Tela la, a latou mo olotou laukele ka fakama'sei katoa.

⁸Faka'tagi a pu o te taua i Kipea! Fakatagi te pu o te fili i Lama! Kalaga te leo o te taua i Peteli! [13] Tino o Peniamina, ki loto i te taua!

⁹Te aso o te fakasalaga ko oko mai, ka ko Isalaelu ka fakamasei. Tino o Isalaelu, te mea nei e tupu eiloa!

¹⁰Muna a te Aliki, “Au ko kaitaua me ko oti ne puke ne takitaki o Iuta a Isalaelu kae fao malo foki a te lotou fenua. Tela la, ka ligi ifo ne au a te fakasalaga ki luga i a latou e pela me se lofiaga.

¹¹Ko puapuaga Isalaelu i pulega fakasaua; ko seai se lotou laukele, me ne loto malosi eiloa latou o olo o sala se fesoasoani mai i a latou kola e seai se mea e mafai ne latou o fai.[14]

¹²Ka fakamasei ne au a Isalaelu, e pena foki a Iuta.

¹³“I te laveaga ne Isalaelu i a ia ko to masaki, e pela foki a Iuta, i te laveaga ne ia ana pakiaga, ne fano a Isalaelu ki te tupu takutakua o Asulia ki se fesoasoani, kae ne seki mafai ne ia o faka'lei te masaki o Isalaelu, e pela foki mo pa'kiaga o Iuta.

¹⁴Ka faitaua au ki tino Isalaelu mo Iuta e pela me se leona. Ka saesae likiliki ne au a laua, ka oti ko tiakina ei laua. Kafai e toso ne au a laua keatea, e seai eiloa se tino e mafai ne ia o fakasao laua.

¹⁵“Ka tiakina ne au toku fenua ke oko ki te taimi ko logofiofio ei latou i olotou agasala, ka oti ko o'mai ei o sala a au. E se taumate kaati ka o'mai o sala au mafai ko puapuaga malosi latou.”