Read Te Tusi Tapu I Te Gana Tuvalu Lomiga Lua IOELU 1 Bible Online

IOELU 1 - Te Tusi Tapu I Te Gana Tuvalu Lomiga Lua bible

IOELU 1

¹Tenei te fekau a te Aliki ki a Ioelu, te tama a Petueli.

²Faka'logo mai koutou tino ma'tua; Tino katoa i Iuta, faka'logo mai. Kai tupu eiloa se mea penei i otou aso, Io me i aso ne ola ei otou tamana?

³Fakamatala atu te mea tenei ki otou tama'liki; Ka toe fakamatala atu ne latou ki olotou tama'liki, Kola ke toe fakamatala ne latou ki te sua kautama.

⁴Ne oko ifo a lafu sē akelise e uke ki luga i lakau kaina; A mea kola e tiaki ne sua lafu sē akelise, e toe kai fakaoti ne sua lafu.

⁵Ala, tu ki luga, kae tagi, Koutou tino ko'na; Tagi, koutou tino inu uaina; A fuagavine mō fai uaina fou ko oti ne fakama'sei.

⁶A te tou fenua ko fakamasei valevale ne sē akelise; Ko oko eiloa i te ma'losi kae ko se mafai o lau i te uke; A olotou nifo ko makai'kai eiloa pela me ne nifo o se leona.

⁷Ko oti ne fakamasei ne latou o'tou vine, Mo o'tou lakau ko mati. Ko oti ne kai ne latou a pakili tua, Tela ko 'kena faka eiloa a kaula.

⁸Tagi, koutou tino, e pela me se tamafine e tagi fanoanoa ki te mate o te tagata Tela ne fai ke avaga mo ia.

⁹Ko seai ne saito io me ne uaina ke ofo atu i te Faletapu; A faitaulaga ko tagi fanoanoa me ko seai ne olotou taulaga ki te Aliki.

¹⁰A fatoaga ko mate katoa; A te laukele ko tagi fanoanoa Me ko oti ne fakamaseigina a saito, A fuagavine ko seai ne olotou sua, Ka ko lakau ko olive ko mage'mage.

¹¹Tagi, koutou tino fai fatoaga; Koutou kola e tausi togavine, ke tagi foki, Me i saito mo kalite, Mo lakau kaina katoa ko oti katoa ne fakama'sei.

¹²A vine mo mati ko 'mage katoa; A lakau fai fuaga katoa ko mate katoa. A te fiafia o tino ko seai eiloa.

¹³A koutou faitaulaga kola e tavini i te fata-fai-taulaga, Pei nei ki gatu lautaga kae 'tagi! Olo ki loto i te Faletapu kae tagi i te po katoa! Ko seai ne saito io me ne uaina ke ofo atu ki te otou Atua.

¹⁴Fai atu ne fakatonuga ke fakaliki'liki a tino; Valo ke fai se maopoopoga! Fakamaopoopo aka a takitaki mo tino katoa o Iuta ki loto i Te Faletapu o te Aliki te otou Atua, Kae 'tagi atu ki a ia.

¹⁵ A te aso o te Aliki ko pili mai; Ko te aso tela ka aumai ei ne ia tela e Tafasili i te Malosi te malaia. Ko oko eiloa i te fakamataku o te aso tena!

¹⁶Ko kilo atu omotou mata mo te loto vaivai ki te fakamaseiga o omotou lakau kaina. Ko seai se fiafia i loto i te Faletapu o te 'tou Atua.

¹⁷A fuaga ko mate i te malō o te laukele. Ko seai ne saito ke 'teu, Tela la, a koga e teu sale i ei ko masei valevale.

¹⁸A pulumakau ko tagi fi'ta me ko seai se koga mo olotou kai'kai; A lafu mamoe foki ko puapuagatia.

¹⁹Te Aliki, au ko tagi atu ki a koe, Me i malae mouku mo lakau ko magemage, E pela eiloa me ne sunu ki se afi.

²⁰Ke oko foki eiloa ki manu vao ko tagi atu ki a koe Me i koga suasua ko 'masa katoa.