Read Te Tusi Tapu I Te Gana Tuvalu Lomiga Lua AMOSA 1 Bible Online

AMOSA 1 - Te Tusi Tapu I Te Gana Tuvalu Lomiga Lua bible

AMOSA 1

¹Konei a muna a Amosa, te tausi mamoe mai te fa'kai ko Tekoa. E lua tausaga ka koi tuai o poko te mafuie, i aso ne tupu ei a Usia i Iuta ka ko Ieleopoamo te tama a Ieoasa, te tupu i Isalaelu, ne fakaasi ei ne te Atua ki a Amosa a mea katoa e uiga ki a Isalaelu.

² Muna a Amosa, “E pakalaga mai te Aliki mai te Mauga o Siona; E pa mai foki tena leo pela me se fatili mai Ielusalema. Ka ma'lo pakupaku a mouku lausiusi, A mouku foki i luga i te Mauga o Kalamelu ko mage'mage.”

³ A te Aliki ne faipati mai penei, “A tino o Tamaseko e tumau i te agasala; ka fakasala ne au latou me ne fakasaua ki tino Kileata.

⁴Tela la, ka fakā ne au te afi i te palesi ne faite ne te Tupu ko Hasaeli, kae ka 'sunu foki ne au a olo o te Tupu ko Peniata.

⁵Ka ofa ne au a mataloa lasi o te fa'kai o Tamaseko, kae ave keatea ne au a tino kola e nofo i te Vanu o Avene fakatasi mo te pule o te fenua ko Petetena. Ka ave fakapagota foki ne au a tino Sulia ki te fenua ko Kila.”

⁶Muna a te Aliki, “A tino o Kasa e tumau faeloa i te fai agasala, tela ka fakasala ei ne au a latou; me ne ave ne latou a tino katoa o te fenua, kae fakatau atu ke fai mo pologa ki tino Etoma.

⁷Tela la, ka fa'ka ne au te afi i luga o 'pui o te fa'kai ko Kasa, kae sunu foki ne au ona olo.

⁸Ka ave keatea ne au a tino pule o fa'kai ko Asetota mo Asekelona. Ka fakasala ne au te fa'kai ko Ekelona, ka ko tino katoa foki o Filisitia kola e toe ka mate.”

⁹ Muna a te Aliki, “A tino o Tulo e tumau faeloa i te fai agasala, tela ka fakasala ei ne au a latou; me ne ave keatea ne latou a tino katoa o te fenua o fakata'fea ki te fenua ko Etoma, kae seki tausi ne latou te feagaiga o te fakataugasoa ne fai ne latou.

¹⁰Tela la, ka fa'ka ne au te afi i luga o 'pui o te fa'kai ko Tulo, kae sunu foki ne au ona olo.”

¹¹ Muna a te Aliki, “A tino o Etoma e tumau faeloa i te fai agasala, tela la ka fakasala ei ne au a latou; me ne afuli o 'ta ne latou olotou kaiga[1] ko tino Isalaelu, kae seki alofa ki a latou. A te kaitaua o latou e seai se gataaga, kae se mafai foki ne latou o fakagata.

¹²Tela la, ka fa'ka ne au te afi i luga o te fa'kai ko Timanu, kae sunu foki ne au a olo o Posala.”

¹³ Muna a te Aliki, “A tino o Amoni e tumau faeloa i te fai agasala, tela ka fakasala ei ne au a latou; me i te faiga o taua a latou ke fakalasi te lotou laukele, ne selesele ne latou a tinae o fafine fai'tama i Kileata.

¹⁴Tela la, ka fa'ka ne au te afi i luga o pui o te fa'kai ko Lapa, kae sunu foki ne au ona olo. Ka lagona ei foki a pakalaga i te aso o te taua, ka malosi foki te taua e pela mo se afā.

¹⁵A te lotou tupu mo ona tino maluga ka ave i tafeaga.”