Read Te Tusi Tapu I Te Gana Tuvalu Lomiga Lua AMOSA 2 Bible Online

AMOSA 2 - Te Tusi Tapu I Te Gana Tuvalu Lomiga Lua bible

AMOSA 2

¹ Muna a te Aliki, “A tino o Moapi e tumau faeloa i te fai agasala, tela ka fakasala ei ne au a latou; me ne seki ava latou ki ivi o te tupu o Etoma, me ne sunu ne latou ke liu lefu.

²Ka fa'ka ne au te afi i luga i te fenua ko Moapi, kae sunu foki ne au a olo o Keliota. Ka mate a tino o Moapi i te leo o te taua, tela e paka'laga i ei sotia kae faka'tagi a pu.

³Ka tamate ne au te pule o Moapi, e pela foki mo takitaki katoa o te fenua.”

⁴Muna a te Aliki, “A tino o Iuta e tumau faeloa i te fai agasala, tela ka fakasala ei ne au a latou; me ne seki fia'fia latou ki aku akoakoga, kae se tausi foki ki aku fakatonuga. Ne takitaki latou ne atua loi kola ne tavini ki ei olotou tupuga.

⁵Tela la, ka tuku ifo ne au te afi ki luga i Iuta, o sunu ei a olo o Ielusalema.”

⁶Muna a te Aliki, “A tino o Isalaelu e tumau faeloa i te fai agasala, tela ka fakasala ei ne au a latou; me ne fakatau atu ne latou ke fai mo pologa a tino amiotonu kola ko se mafai o togi olotou kaitalafu, mo tino ma'tiva foki kola e faigata o toe togi atu a mea a latou ne kaitalafu ke oko eiloa ki pea taka.

⁷E lakalaka ne latou ki lalo a tino vaivai mo tino puapuaga, kae tuletule foki ne latou keatea a tino ma'tiva mai i te auala. A te tagata mo tena tamana e olo ki te tamafine pologa e tokotasi, tela ko fakamasei ei toku igoa tapu.

⁸I koga tapuaki katoa, a tino e moe fua i luga i lavalava o tino ma'tiva, kola ne puke ne latou mo togi ei olotou kaitalafu. I loto foki o te faletapu o te lotou Atua, e inu ei latou i uaina ne puke ne latou mai tino kola e kaitalafu tupe i a latou.

⁹ “Kae kiloke e toku fenua, mo te lei o koutou, tela ne 'ta fakapalele ei ne au a tino Amoli, ko tagata e loa pela mo lakau e igoa ki alasi, kae ma'losi foki e pela mo lakau e igoa ki te oka.

¹⁰Ne aumai ne au keatea koutou mai Aikupito, kae ne taki foki ne au a koutou i loto i te vao i tausaga e fasefulu, tuku atu ei foki ne au ki a koutou a te fenua o tino Amoli ke fai mo fenua tonu o koutou.

¹¹ Ne filifili ne au a nisi tama tagata a koutou ke fai mo pelofeta, ko nisi tamataene foki o koutou ke fai mo tino o te kau Naseli.[2] Tino Isalaelu, e a, e loi au? Ko au te Aliki ne faipati atu.

¹²Ka ko fai ne koutou te kau Naseli ke inu uaina, kae fakatonu ki pelofeta ke se fai'pati atu ki taku fekau.

¹³Nei la, ka tuki pala ne au koutou ke ii ki lalo i te laukele, ko tagi fi'ta ei koutou e pela mo te tagitagi o te ka e fonu i saito.

¹⁴E se mafai foki ne tino tele ma'kini o sao; a tagata ma'losi foki ka seai ne olotou malosi, ka se mafai foki ne sotia o faka'sao olotou ola.

¹⁵A tino tau i matasana e se tumau i olotou tulaga, a tino tele ma'kini e se mafai o sao, a tino foki kola e sopo i solofanua e se mafai o tele ke ola latou.

¹⁶I te aso tena, a sotia loto toa foki eiloa ka tiaki olotou mea tau kae tele.” Ko muna kona ne faipati mai ne te Aliki.