Read Te Tusi Tapu I Te Gana Tuvalu Lomiga Lua IONA 3 Bible Online

IONA 3 - Te Tusi Tapu I Te Gana Tuvalu Lomiga Lua bible

IONA 3

¹Ne toe faipati mai te Aliki ki a Iona.

²Ana muna, “Fano ki Nineva te fa'kai lasi, talai atu ki ei te fekau ne fai atu ne au ki a koe.”

³Ne fakalogo a Iona ki te Aliki, kae fano ki Nineva, se fa'kai lasi eiloa tela e tusa mo te tolu o aso e sasale ei koe i loto i ei.

⁴ Ne kamata Iona o ulu atu ki loto i te fa'kai, sasale ei i te aso e tasi, kae i te otiga o te aso tena, folafola atu ei ne ia penei, “E toe fasefulu aso kae oko mai te malaia ki Nineva!”

⁵Ne tali'tonu a tino Nineva ki te fekau tenei mai i te Atua. Tena, ne mafaufau ei latou me tau mo tino katoa o fakalikiliki kae pei ki gatu lautaga, mai tino malalo ke oko ki tino maluga, e fakaasi ei te lotou sala'mo.

⁶I te logoga o te tupu o Nineva i te tala tenei, ne tu ake a ia mai tena nofoga‐aliki, tapale tena gatu 'loa, pei ana gatu masaesae kae sagasaga ki koga e fonu i lefu.

⁷Ne fakatonu ne ia ke fai se fakasalalauga ki tino Nineva e penei: “A te mea tenei se fakatonuga mai i te tupu mo ana tino maluga: E tapu se tino e toe kai; a pulumakau mo mamoe foki e tapu ma'kai e tapu foki ma inu.

⁸A tino katoa mo manu e 'tau o pei ki gatu lautaga. E 'tau mo tino katoa o talo mo te loto 'nau ki te Atua ka ke fakagata foki olotou amioga masei mo olotou faifaiga ma'sei.

⁹Se taumate kaati ka fuli mafaufauga o te Atua; kaati ka se ita foki, ka se oko mai ei te mate ki a tatou!”

¹⁰Ne lavea ne te Atua me ko oti ne tiakina olotou amioga ma'sei, tela ne fuli ei ona mafaufauga; seki fakasala ei ne ia Nineva pela mo ana pati.